នារសៀលថ្ងៃទី ១៧ មិថុនា នៅទីក្រុងហាណូយ គណៈកម្មាធិការសេដ្ឋកិច្ចមជ្ឈិមបានសម្របសម្រួលជាមួយក្រសួងសំណង់ និងស្ថាប័នពាក់ព័ន្ធ ដើម្បីរៀបចំវេទិកាអភិវឌ្ឍន៍ទីក្រុងនៅវៀតណាមឆ្នាំ ២០២២ ប្រកបដោយនិរន្តរភាព ដោយប្រធានបទ “អភិវឌ្ឍន៍ទីក្រុងប្រកបដោយនិរន្តរភាព” ឆ្ពោះទៅរកទីក្រុងបៃតង ឆ្លាតវែ និងសម្របខ្លួនទៅនឹងការប្រែប្រួលអាកាសធាតុ បង្ការនិងប្រយុទ្ធប្រឆាំងគ្រោះមហន្តរាយធម្មជាតិ និងជំងឺរាតត្បាត”។ វេទិកានេះបានទាក់ទាញចំណាប់អារម្មណ៍ និងការចូលរួមរបស់តំណាងជាតិនិងអន្តរជាតិជាង ១.៥០០នាក់។
នៅក្នុងវេទិកានេះ គណៈប្រតិភូបានផ្តោតសំខាន់លើការវិភាគ និងបញ្ជាក់អំពីទិសដៅយុទ្ធសាស្ត្រនៃនគរូបនីយកម្ម អភិវឌ្ឍន៍ទីក្រុងនិងអភិវឌ្ឍន៍សេដ្ឋកិច្ចទីក្រុងនៅវៀតណាមដល់ឆ្នាំ ២០៣០ ទស្សនវិស័យដល់ឆ្នាំ ២០៤៥។ ថ្លែងនៅក្នុងវេទិកានេះ ប្រធានគណៈកម្មាធិការសេដ្ឋកិច្ចមជ្ឈិម លោក Tran Tuan Anh បានឲ្យដឹងថា៖
“ក្រសួង ស្ថាប័ន និងតំបន់នានា ត្រូវយកចិត្តទុកដាក់ផ្តល់អាទិភាពលើការងារវិទ្យាសាស្ត្រ ក៏ដូចជាសម្របសម្រួលជាមួយអង្គការអន្តរជាតិ ដើម្បីអនុវត្តន៍គម្រោងជំនួយបច្ចេកទេស ដើម្បីបន្តផ្តល់ទ្រឹស្តីសម្រាប់ការអភិវឌ្ឍទីក្រុងក្នុងលក្ខណៈជាក់ស្តែងរបស់វៀតណាម ធានាប្រភពធនធានប្រកបដោយគុណភាព ប្រសិទ្ធភាព លទ្ធភាព និងនិរន្តរភាព ព្រមទាំងភាពធន់នឹងការប្រែប្រួលអាកាសធាតុ និងជំងឺរាតត្បាតក្នុងបរិបទនៃការអភិវឌ្ឍនថ្មីនៃសកលលោកទាំងមូល”៕
