លោក Volker Turk ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស។ រូបថត៖ Reuters

ថ្លែងនៅចំពោះមុខក្រុមប្រឹក្សាសិទ្ធិមនុស្សអង្គការសហប្រជាជាតិ លោក Volker Turk បានព្រមានថា ពិភពលោកកំពុងកាន់តែមានគ្រោះថ្នាក់ជាងពេលណាៗទាំងអស់ ដោយមានជម្លោះប្រហែល ៦០ កំពុងដំណើរការ។ ការប្រកួតប្រជែងអំណាចដើម្បីគ្រប់គ្រងទឹកដី និងថាមពល កំពុងជាន់ឈ្លីសិទ្ធិជាមូលដ្ឋាន។ ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស បានលើកឡើងពីការពិតដ៏សោកសៅថា៖ ប្រសិនបើកាលពីមួយទសវត្សរ៍មុន ការវាយប្រហារលើមន្ទីរពេទ្យនឹងបង្កការខឹងសម្បារទូទាំងពិភពលោក ប៉ុន្តែសព្វថ្ងៃនេះ ជាមធ្យម មានការវាយប្រហារលើមណ្ឌលសុខភាពចំនួន ១០ បានកើតឡើងជារៀងរាល់ថ្ងៃ។ លោកបានអំពាវនាវដល់សហគមន៍អន្តរជាតិកុំឱ្យព្រងើយកន្តើយចំពោះស្ថានភាពនៃប្រព័ន្ធច្បាប់មនុស្សធម៌ និងសិទ្ធិមនុស្សអន្តរជាតិត្រូវបានបំផ្លិចបំផ្លាញ ហើយបានស្នើរឱ្យមេដឹកនាំនយោបាយចាត់វិធានការជាបន្ទាន់ដើម្បីបញ្ច្រាសនិន្នាការដ៏គ្រោះថ្នាក់នេះ៕