ព័ត៌មាន
អគ្គលេខាបក្ស ប្រធានរដ្ឋចិនលោក Xi Jinping មកដល់ទីក្រុងហាណូយ ចាប់ផ្តើមដំណើរទស្សនកិច្ចផ្លូវរដ្ឋនៅវៀតណាម
អញ្ជើញទៅអាកាសយានដ្ឋានដើម្បីទទួលស្វាគមន៍អគ្គលេខាបក្ស ប្រធានរដ្ឋចិនលោក Xi Jinping និងលោកជំទាវភរិយា មាននាយករដ្ឋមន្ត្រីលោក Pham Minh Chinh ប្រធានគណៈកម្មការកិច្ចការផ្ទៃក្នុងមជ្ឈឹម លោក Phan Dinh Trac, លោក Le Hoai Trung ប្រធានគណៈកម្មការកិច្ចការបរទេសមជ្ឈឹម។ នេះជាដំណើរទស្សនកិច្ចផ្លូវរដ្ឋលើកទីបីរបស់លោក Xi Jinping មកកាន់ប្រទេសវៀតណាម ក្នុងតួនាទីជាអគ្គលេខានៃគណៈកម្មាធិការមជ្ឈិមបក្សកុម្មុយនិស្តចិន និងជាប្រធានរដ្ឋនៃសាធារណរដ្ឋប្រជាមានិតចិន។ ដំណើរទស្សនកិច្ចនេះធ្វើឡើងរយៈពេលមួយឆ្នាំបន្ទាប់ពីដំណើរទស្សនកិច្ចជាប្រវត្តិសាស្ត្ររបស់អគ្គលេខាបក្សកុម្មុយនិស្តវៀតណាមលោក Nguyen Phu Trong ទៅកាន់ប្រទេសចិនកាលពីឆ្នាំមុន។
ដំណើរទស្សនកិច្ចផ្លូវរដ្ឋនៅវៀតណាមរបស់អគ្គលេខាបក្ស ប្រធានរដ្ឋចិនលោក Xi Jinping និងគណៈប្រតិភូជាន់ខ្ពស់នៃបក្ស និងរដ្ឋចិន ត្រូវបានគេរំពឹងថា នឹងធ្វើឲ្យកាន់តែស៊ីជម្រៅថែមទៀត នូវក្របខណ្ឌកិច្ចសហប្រតិបត្តិការសម្រាប់អនាគតយូរអង្វែងនៃទំនាក់ទំនងរបស់ប្រទេសទាំងពីរក្នុងទិសដៅប្រកបដោយនិរន្តរភាព ជាក់ស្តែង និងមានប្រសិទ្ធភាពជាង រួមចំណែកដល់និន្នាការនៃសន្តិភាព ស្ថិរភាព និងកិច្ចសហប្រតិបត្តិការក្នុងតំបន់ និងជុំវិញពិភពលោក៕
