តាមនោះ អគ្គលេខាធិការ លោក Guterres នឹងមកដល់រដ្ឋធានីអង់ការ៉ានៃប្រទេសទួរគីនៅថ្ងៃទី ២៥ ខែមេសា ហើយមានជំនួបជាមួយប្រធានាធិបតីសម្ចាស់ផ្ទះលោក Tayyip Erdogan។ កាលពីថ្ងៃទី១៨ ខែមេសា អ្នកសម្របសម្រួល អ.ស.ប ទទួលបន្ទុកជំនួយសង្គ្រោះបន្ទាន់លោក Martin Griffith បានឲ្យដឹងថា ទួរគីគឺជាប្រទេសម្ចាស់ផ្ទះដ៏សំខាន់សម្រាប់កិច្ចចរចាមនុស្សធម៌រវាងរុស្ស៊ីនិងអ៊ុយក្រែន។

បន្ទាប់មក អគ្គលេខាធិការ លោក Guterres គ្រោងនឹងមកដល់ទីក្រុងម៉ូស្គូនៅថ្ងៃទី ២៦ ខែមេសា ហើយជួបពិភាក្សាជាមួយប្រធានាធិបតីរុស្ស៊ីលោក Vladimir Putin។ ក្នុងក្របខ័ណ្ឌនៃដំណើរទស្សនកិច្ចនេះ លោក Guterres ក៏បានជួបពិភាក្សាការងារ និងទទួលទានអាហារថ្ងៃត្រង់ជាមួយរដ្ឋមន្ត្រីការបរទេសរុស្ស៊ី លោក Sergei Lavrov ផងដែរ។ ខ្លឹមសារស្នូលនៃកិច្ចពិភាក្សា និងសម័យធ្វើការងារគឺសំដៅនាំមកនូវសន្តិភាពសម្រាប់អ៊ុយក្រែន។

នៅចុងបញ្ចប់នៃដំណើរទស្សនកិច្ច នៅថ្ងៃទី ២៨ ខែមេសា លោក Guterres នឹងមកដល់ប្រទេសអ៊ុយក្រែន ហើយជួបជាមួយលោកប្រធានាធិបតី Volodymyr Zelensky រដ្ឋមន្ត្រីការបរទេសលោក Dmytro Kuleba និងបុគ្គលិកនៅទីភ្នាក់ងារអង្គការសហប្រជាជាតិ ដើម្បីពិភាក្សាអំពីការពង្រីកកិច្ចខិតខំប្រឹងប្រែងផ្តល់ជំនួយមនុស្សធម៌៕