ថ្លែងមតិនៅទីនេះ ឯកអគ្គរដ្ឋទូតនិងជាប្រធានបេសកកម្ម លោក Dang Hoang Giang បានអះអាងថា វៀតណាមប្រកាន់ខ្ជាប់នូវគោលនយោបាយការបរទេសឯករាជ្យ ខ្លួនទីពឹងខ្លួន សមាហរណកម្មអន្តរជាតិយ៉ាងសកម្ម និងចូលរួមក្នុងយន្តការសហប្រតិបត្តិការលើវិស័យការពារជាតិទ្វេភាគីនិងពហុភាគីជាច្រើន រួមចំណែកពង្រឹងទំនុកចិត្តជាយុទ្ធសាស្ត្រ និងរួមចំណែក ដើម្បីសន្តិភាព សន្តិសុខ និងការអភិវឌ្ឍរបស់ពិភពលោក។
វៀតណាមមានមោទនភាពដែលបានចូលរួមយ៉ាងសកម្មក្នុងសកម្មភាពរក្សាសន្តិភាពរបស់អ.ស.ប ក្នុងរយៈពេល ១០ ឆ្នាំកន្លងមកនេះ វៀតណាមបានបញ្ជូននាយទាហាននិងយុទ្ធជនជាង ៨០០នាក់ ទៅបំពេញបេសកកម្មរក្សាសន្តិភាពនៅស្ថានបេសកកម្មនិងទីស្នាក់ការរបស់អ.ស.បជាច្រើន ជាមួយអត្រាស្ត្រីខ្ពស់ ដែលបន្សល់ទុកនូវចំណាប់អារម្មណ៍ដ៏ល្អប្រសើរជាច្រើនអំពីមុខមាត់របស់ប្រទេសជាតិ ប្រជាជន និងកងកម្លាំងប្រដាប់អាវុធប្រជាជន វៀតណាម ហើយត្រូវបានវាយតម្លៃខ្ពស់ដោយអ.ស.ប និងមិត្តភក្តិអន្តរជាតិ។
 អគ្គលេខាធិការរងអង្គការសហប្រជាជាតិ លោក Atul Khare ។ រូបថត៖ Quang Huy/TTXVN |
ក្នុងឱកាសនេះ តំណាងថ្នាក់ដឹកនាំអ.ស.បបានថ្លែងអំណរគុណចំពោះយុទ្ធជននៃកងទ័ពប្រជាជនវៀតណាមដែលបានពលីជីវិតក្នុងបុព្វហេតុរំដោះជាតិ ក៏ដូចជាដើម្បីសន្តិភាពនិងសន្តិសុខអន្តរជាតិ ក្នុងនោះមានលោកវរសេនីយ៍ទោ Do Anh ដែលបានពលីជីវិតក្នុងពេលបំពេញបេសកកម្មរក្សាសន្តិភាព នៅស្ថានបេសកកម្មនៅសាធារណរដ្ឋអាហ្វ្រិកកណ្តាល៕
