នាយករដ្ឋមន្រ្តីវៀតណាមលោក Nguyen Xuan Phuc និងនាយករដ្ឋមន្រ្តីន័រវេសលោកស្រី Erna Solberg (រូបថត៖ VOV)
តាមការអញ្ជើញរបស់នាយករដ្ឋមន្រ្តីន័រវេសលោកស្រី Erna Solberg នា យករដ្ឋមន្រ្តីរដ្ឋាភិបាល នៃសាធារណៈរដ្ឋសង្គមនិយមវៀតណាម លោក Nguyen Xuan Phuc បានអញ្ជើញទៅបំពេញទស្សនកិច្ចជាផ្លូវការ នៅព្រះរាជាណាចក្រ ន័រវេសចាប់ពីថ្ងៃទី២៤ដល់២៦ ខែឧសភា ឆ្នាំ២០១៩។
ក្នុងដំណើរទស្សនកិច្ចលើកនេះ លោក Nguyen Xuan Phuc បានអញ្ជើញ ជួបចរចាជាមួយនាយករដ្ឋមន្រ្តីន័រវេសលោកស្រី Erna Solberg ចូលថ្វាយបង្គំដល់ព្រះនាម Harlad V ព្រះមហាក្សត្រន័រវេស និងប្រធានរដ្ឋ សភាន័រវេសលោកស្រី Tone Troen។
នៅជំនួបចរចា នាយករដ្ឋមន្រ្តីនៃប្រទេសទាំងពីរបានវាយតម្លៃខ្ពស់ចំពោះ ការអភិវឌ្ឍកាន់តែទូលំទូលាយក្នុងទំនាក់ទំនងសហប្រតិបតិ្តការសេដ្ឋកិច្ចទ្វេភាគី អះអាងនូវការប្ដេជ្ញាចិត្តបន្តបង្កើនកិច្ចសហប្រតិបតិ្តការពាណិជ្ជកម្មវិនិយោគប្រ កបដោយចីរភាពនិងបរិយាប័ន្ន ព្រមទាំងអះអាងសារជាថ្មីនូវការសន្យាដោយ សម្រេចការចរចាលើកិច្ចព្រមព្រៀងពាណិជ្ជកម្មសេរីគ្រប់ជ្រុងជ្រោយនិងទូលំ ទូលាយរវាងវៀតណាមនិងប្លុកពាណិជ្ជកម្មសេរីអឺរ៉ុប (EFTA) យ៉ាងឆាប់ៗផងដែរ។
នាយករដ្ឋមន្រ្តីទាំងពីររូបបានលើកទឹកចិត្តសហគមន៍ធុរជន នៃប្រទេសទាំងពីរជំរុញនិងពង្រីកកិច្ចសហប្រតិបតិ្តការវិនិយោគអាជីវកម្ម ជាពិសេសគឺលើវិស័យ អាទិភាពនានាដូចជាសេដ្ឋកិច្ចសមុទ្រ ថាមពលបៃតងនិងកកើតឡើងវិញ បច្ចេក វិទ្យាព័ត៌មាននិងទំនិញប្រើប្រាស់។
ភាគីទាំងពីរបានវាយតម្លៃខ្ពស់ចំពោះយន្តការសន្ទនាអំពីសិទ្ធិមនុស្សប្រកបដោយលក្ខណៈស្ថាបនារវាងវៀតណាមនិងន័រវេស ព្រមទាំងឯកភាពលើសារ សំខាន់នៃនីតិបញ្ញត្តិ សិទ្ធិមនុស្ស ក៏ដូចជាសារសំខាន់នៃការអនុវត្តសេចក្ដីថ្លែង ការណ៍ស្ដីពីគោលការណ៍ជាសារវ័ន្តនានានិងបណ្ដាសិទ្ធិនៅកន្លែងធ្វើការរបស់អង្គការពលកម្មអន្តរជាតិ (ILO) ផងដែរ។
ភាគីទាំងពីរបានឯកភាពបន្តរក្សាជំនួបប្រាស្រ័យនិងការផ្លាស់ប្ដូរគណៈប្រតិភូគ្រប់ជាន់ថ្នាក់ទៅវិញទៅមក ហើយបន្តដំណើរការពិគ្រោះយោបល់ផ្នែកនយោ បាយជាប្រចាំឆ្នាំថ្នាក់អនុរដ្ឋមន្រ្តីការបរទេស ក៏ដូចជាយន្តការសន្ទនាទ្វេភាគី ផ្សេងៗទៀតស្ដីពីបញ្ហាដែលមានការយកចិត្តទុកដាក់ដូចគ្នាផងដែរ។ ភាគីទាំងពីរ បានសង្កត់ធ្ងន់លើការសន្យារួមនៃប្រទេសទាំងពីរចំពោះការអភិវឌ្ឍប្រកបដោយចីរភាពនិងបរិយាប័ន្នតាមរបៀបវារៈឆ្នាំ២០៣០របស់អង្គការសហប្រជាជាតិស្ដីពីគោលដៅអភិវឌ្ឍដោយចីរភាព។
ភាគីទាំងពីរបានឯកភាពបង្កើនកិច្ចសហប្រតិបតិ្តការនៅវេទិកាតំបន់និងអន្តរជាតិនានា ជាពិសេសគឺនៅក្នុងក្របខ័ណ្ឌអង្គការសហប្រជាជាតិ ទំនាក់ទំនងភាព ជាដៃគូសន្ទនារវាងអាស៊ាននិងន័រវេសនិងវេទិកាសហប្រតិបតិ្តការអាស៊ី-អឺរ៉ុប (ASEM)។ ភាគីទាំងពីរគាំទ្រចំពោះការខិតខំប្រឹងប្រែងសំដៅជំរុញសន្តិភាព ស្ថិរ ភាព កិច្ចសហប្រតិបតិ្តការនិងមិត្តភាពនៅតំបន់អាស៊ីអាគ្នេយ៍។ ភាគីទាំងពីរបាន អះអាងសារជាថ្មីនូវសារសំខាន់នៃការធានាសេរីភាព បណ្ដាសិទ្ធិនិងកាតព្វកិច្ច តាមការកំណត់នៃអនុសញ្ញាអង្គការសហប្រជាជាតិស្ដីពីច្បាប់សមុទ្រឆ្នាំ១៩៨២ (UNCLOS)៕
តាម VOV5 - វិទ្យុសំឡេងវៀតណាម
