• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

សាធារណមតិអន្តរជាតិព្រួយបារម្ភអំពីអំពើទទឹងទទែងរបស់ចិននៅសមុទ្រខាងកើត


ឆ្លើយបទសម្ភាសន៍របស់អ្នកយកព័ត៌មាននៃវិទ្យុសម្លេងវៀតណាម ប្រចាំរុស្ស៊ីកាលពីថ្ងៃទី២១ មេសា លោក Grigory Lokshin កម្មាភិបាលស្រាវជ្រាវវិទ្យាសាស្ត្រជាន់ខ្ពស់ នៅមជ្ឈមណ្ឌលស្រាវជ្រាវវៀតណាមនិងអាស៊ាននៃបណ្ឌិតសភាវិទ្យាសាស្ត្ររុស្ស៊ីបានឲ្យដឹងថា ការដែលប្រទេស ចិននាពេល ថ្មីៗនេះបង្កើតស្រុករដ្ឋបាល “Xisha” (ត្រូវជាប្រជុំកោះ Hoang Sa) និង “Nansha” (ត្រូវជាប្រជុំកោះ Truong Sa) ជាមួយនឹងតំបន់មជ្ឈមណ្ឌលមួយ នៅទីរួមស្រុកយោធា “Sansha” ដែលត្រូវបានកសាងឡើងដោយខុសច្បាប់ នៅលើកោះធំបំផុតនៃប្រជុំកោះ Hoang Sa ដែលគ្រាដំបូងគឺរបស់វៀតណាម ហើយត្រូវបានកងទ័ពចិនទន្ទ្រានកាន់កាប់កាលពីឆ្នាំ១៩៧៤មក បានសរឲ្យឃើញថា ថ្នាក់ដឹកនាំចិនកំពុងឆ្លៀតយកវិបត្តិបង្កឡើងដោយជំងឺ ឆ្លង Covid-19 ដើម្បីដណ្ដើមយកសិទ្ធិកាន់កាប់សមុទ្រខាងកើតទាំងស្រុង ហើយប្រែក្លាយវាទៅជា “បឹងក្នុងស្រុក”។

លោក Grigory Lokshin បានលើកច្បាស់ថា ចិនបានរំលោភបំពានយ៉ាងកម្រោលទៅលើធម្មនុញ្ញអង្គការសហប្រជាជាតិនិងអនុសញ្ញាអង្គការសហប្រជាជាតិស្ដីពីច្បាប់សមុទ្រឆ្នាំ១៩៨២ដែលប្រទេសនេះផ្ទាល់ខ្លួនបានចុះហត្ថលេខានិងអនុម័ត។ តាមលោករូបនេះថា វៀតណាមានភស្តុតាងមិនអាចបដិសេធបានអំពីអធិបតេយ្យភាពចំពោះកោះនានាដូចបានលើកឡើងខាងលើ ដែលត្រូវបានទទួលស្គាល់ក្នុងឯកសារច្បាប់អន្តរជាតិជាច្រើន។

អ្នកជំនាញ Grigory Lokshin បានចាត់ទុកថា វៀតណាមបានកសាងគោលនយោបាយដោយមានការទទួលខុសត្រូវនិងសមហេតុផលក្នុង សភាពការណ៍បច្ចុប្បន្ន។ វៀតណាមកំពុងធ្វើអស់ពីសមត្ថ ភាពដើម្បីការពារ អធិបតេយ្យភាពនិងផលប្រយោជន៍ដ៏ស្របច្បាប់របស់ខ្លួននៅសមុទ្រខាង កើត ព្រមទាំងខិតខំប្រឹងប្រែងរក្សាសន្តិភាពនិងស្ថិរភាពនៅក្នុងតំបន់ផងដែរ។

ក្នុងបម្រែបម្រួលទាក់ទិនមួយទៀត សារព័ត៌មានឥណ្ឌាក្នុងប៉ុន្មានថ្ងៃកន្លងទៅ បានចុះផ្សាយជាបន្តបន្ទាប់នូវព័ត៌មានស្ដីពីការដែល វៀតណាមប្រឆាំងជំទាស់ចិនពីអំពើបង្កើតអង្គភាពរដ្ឋបាលចំនួន២នៅសមុទ្រខាងកើត។ កាសែតជាច្រើនបានដកស្រង់សេចក្ដីប្រកាសរបស់អ្នកនាំពាក្យក្រសួងការបរទេសវៀតណាមដែលថា “វៀតណាមសំណូមពរឲ្យចិនគោរពអធិបតេយ្យភាពរបស់វៀតណាមហើយលុបចោលការសម្រេចចិត្តដ៏ខុសឆ្គងទាក់ទិនដល់រឿងហេតុនេះ។ វៀតណាមបានអះអាងយ៉ាងខ្លាំងក្លាជាច្រើនលើក ច្រើនសារថា ខ្លួនមានភស្តុតាងប្រវត្តិសាស្ត្រនិងមូលដ្ឋានគតិយុត្តដ៏គ្រប់ គ្រាន់អំពីអធិបតេយ្យភាពរបស់ខ្លួនលើប្រជុំកោះទាំងពីរ Hoang Sa និង Truong Sa៕

តាម VOV5-​ វិទ្យុសម្លេងវៀតណាម

COP២៨៖ ប្រទេសជាង ១៣០ ប្តេជ្ញាដាក់​បញ្ចូល​ផលិតកម្មស្បៀងអាហារ​ទៅក្នុងផែនការកាត់បន្ថយការបំភាយឧស្ម័ន

COP២៨៖ ប្រទេសជាង ១៣០ ប្តេជ្ញាដាក់​បញ្ចូល​ផលិតកម្មស្បៀងអាហារ​ទៅក្នុងផែនការកាត់បន្ថយការបំភាយឧស្ម័ន

កាលពីថ្ងៃទី ១ ខែធ្នូ ក្នុងសន្និសីទលើកទី ២៨ នៃភាគីចូលរួមអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ (COP២៨) នៅទីក្រុងឌូបៃ អេមីរ៉ាត់អារ៉ាប់រួម (UAE) ប្រទេសចំនួនជាង ១៣០នៅជុំវិញពិភពលោកបានឯកភាពគ្នាក្នុងការរួមបញ្ចូលបញ្ហាស្បៀងអាហារ និងកសិកម្មទៅក្នុងផែនការសកម្មភាពអាកាសធាតុជាតិ។

Top