សេចក្តីថ្លែងការណ៍នេះបានកើតឡើងមួយថ្ងៃបន្ទាប់ពីកិច្ចប្រជុំរវាងលោក ត្រាំ និងនាយករដ្ឋមន្ត្រីអ៊ីស្រាអែល ប៊ែនចាមីន ណេតាន់យ៉ាហ៊ូ នៅទីក្រុងវ៉ាស៊ីនតោន។ ប្រធានាធិបតីអាមេរិកបាននិយាយថា កិច្ចប្រជុំនេះបានដំណើរការ “ល្អណាស់” ហើយភាគីទាំងពីរបានពិភាក្សាអំពីអ៊ីរ៉ង់ ក៏ដូចជាស្ថានភាពសន្តិសុខក្នុងតំបន់។ ក្នុងពេលជាមួយគ្នានេះ លោក ត្រាំ បាននិយាយថា លោកនឹងជាអ្នកធ្វើការសម្រេចចិត្តចុងក្រោយលើកិច្ចព្រមព្រៀងរវាងសហរដ្ឋអាមេរិក និងអ៊ីរ៉ង់។
ទន្ទឹមនឹងនេះ នាយករដ្ឋមន្ត្រីអ៊ីស្រាអែល ប៊ែនចាមីន ណេតាន់យ៉ាហ៊ូ ក៏បានសម្តែងក្តីសង្ឃឹមសម្រាប់កិច្ចព្រមព្រៀងដែលសហរដ្ឋអាមេរិកអាចសម្រេចបានជាមួយអ៊ីរ៉ង់ ប៉ុន្តែបានសង្កត់ធ្ងន់ថា អ៊ីស្រាអែលនៅតែប្រុងប្រយ័ត្ន។ យោងតាមលោកណេតាន់យ៉ាហ៊ូ បញ្ហាសំខាន់ៗរួមមានកម្មវិធីនុយក្លេអ៊ែររបស់អ៊ីរ៉ង់ កម្មវិធីមីស៊ីលផ្លោង និងការគាំទ្ររបស់ទីក្រុងតេអេរ៉ង់ចំពោះកងកម្លាំងតំណាងនៅក្នុងតំបន់៕
