ព័ត៌មាន

សកម្មភាពដ៏វិសេសវិសាលជាច្រើនក្នុងមហោស្រពកាហ្វេ Buon Ma Thuot លើកទី៩ ឆ្នាំ២០២៥

08/02/2025

ចាប់ពីថ្ងៃទី ៩ ដល់ថ្ងៃទី ១៣ ខែមីនា នៅទីក្រុង Buon Ma Thuot និងតំបន់មួយចំនួនក្នុងខេត្ត Dak Lak មហោស្រពកាហ្វេ Buon Ma Thuot លើកទី ៩ ឆ្នាំ ២០២៥ នឹងប្រព្រឹត្តទៅដោយប្រធានបទ "Buon Ma Thuot - ទីមកដល់នៃកាហ្វេពិភពលោក"។

មហោស្រពនេះបានប្រព្រឹត្តទៅក្នុងឱកាសរំលឹកខួបលើកទី ៥០ឆ្នាំ ទិវាជ័យជំនះ Buon Ma Thuot រំដោះខេត្ត Dak Lak (១០ មីនា ១៩៧៥- ១០ មីនា ២០២៥); ជាព្រឹត្តិការណ៍ដ៏សំខាន់មួយ ដោយរួមចំណែកជួយផ្សព្វផ្សាយម៉ាកយីហោកាហ្វេ Buon Ma Thuot កសាងមុខមាត់ទីក្រុង Buon Ma Thuot ជា “ទីក្រុងកាហ្វេពិភពលោក”។

រូបថតឧទាហរណ៍

មហោស្រពនេះ មានសកម្មភាពសំខាន់ៗដូចជា៖ ការប្រឡងបង្កើតមាតិកាឌីជីថលដើម្បីផ្សព្វផ្សាយមហោស្រពតាមអ៊ីនធឺណិត; ពិធីបើកនិងបិទមហោស្រព; ពិព័រណ៌ឯកទេសសម្រាប់កាហ្វេ និងផលិតផល OCOP; ការប្រឡងឆុងកាហ្វេ និងសកម្មភាពពិសោធន៍កាហ្វេ; សិក្ខាសាលាវិទ្យាសាស្ត្រស្តីពីការអភិវឌ្ឍន៍ឧស្សាហកម្មកាហ្វេ; សន្និសីទពាណិជ្ជកម្មអន្តរជាតិ-តភ្ជាប់និងលើកកំពស់កាហ្វេវៀតណាម; ពិធីបុណ្យតាមដងវិថី។ល។

ក្រៅពីនោះក៏មានសកម្មភាពដ៏គួរឲ្យទាក់ទាញដូចជា៖ មហោស្រពពន្លឺ; មហោស្រពនៃ Rock Band; ការប្រណាំងរថយន្ត Off Road អន្តរជាតិ "ការប្រណាំងឆ្លងកាត់ព្រៃឈើដ៏ធំសម្បើម- Buon Don ២០២៥"; ដំណើរកំសាន្ត៖ ពិធីបុណ្យដំរី Buon Don, ពិធីបុណ្យប្រណាំទូកនៅឃុំ Lak; ការផឹកកាហ្វេដោយឥតគិតថ្លៃ; ពិធីបើកការដ្ឋានសាងសង់រោងចក្រកាហ្វេថាមពល Trung Nguyen Legend; ជំរុំកាហ្វេ «អមដំណើរ និងចែករំលែក» នៅរមណីយដ្ឋានប្រវត្តិសាស្ត្រ-វប្បធម៌ ក្នុងចម្ការ CADA នៅស្រុក Krong Pak៕

តាម VOV5 - វិទ្យុសម្លេងវៀតណាមo

វៀតណាមរួមចំណែកយ៉ាងសកម្មក្នុងការដោះស្រាយបញ្ហាចំណាកស្រុកអន្តរជាតិ

08/02/2025
ព័ត៌មាន

វៀតណាមរួមចំណែកយ៉ាងសកម្មក្នុងការដោះស្រាយបញ្ហាចំណាកស្រុកអន្តរជាតិ 7 កុម្ភៈ 2025 | 16:46:37 (VOVWORLD) - ចាប់ពីថ្ងៃទី ៤ ដល់ថ្ងៃទី ៦ ខែកុម្ភៈ នៅទីក្រុងបាងកក ប្រទេសថៃ គណៈប្រតិភូអន្តផ្នែករបស់វៀតណាម ដឹកនាំដោយលោកស្រី Phan Thi Minh Giang អនុប្រធាននាយកដ្ឋានកុងស៊ុល (ក្រសួងការបរទេស) បានចូលរួមសន្និសីទត្រួតពិនិត្យលើកទី ២ ស្តីពីការអនុវត្តកិច្ចព្រមព្រៀងសកលការធ្វើចំណាកស្រុកស្របច្បាប់ សុវត្ថិភាព និងមានសណ្តាប់ធ្នាប់ (កិច្ចព្រមព្រៀង GCM) ក្នុងតំបន់អាស៊ីប៉ាស៊ីហ្វិក។ ថ្លែងមតិនៅសន្និសីទ លោកស្រី Phan Thi Minh Giang បានសង្កត់ធ្ងន់ថា វៀតណាមប្តេជ្ញាបន្តកិច្ចខិតខំប្រឹងប្រែងដើម្បីជំរុញការអនុវត្តកិច្ចព្រមព្រៀង GCM នៅទូទាំងប្រទេសក៏ដូចជាក្នុងតំបន់; ទន្ទឹមនឹងនោះ លោកស្រីក៏បានឲ្យដឹងថា វៀតណាមសម្រេចបានលទ្ធផលលេចធ្លោក្នុងការអនុវត្តកិច្ចព្រមព្រៀង GCM លើវិស័យចំនួនបី រួមមាន៖ បំពេញគោលនយោបាយ និងច្បាប់ទាក់ទងនឹងការធ្វើចំណាកស្រុកអន្តរជាតិ; ពង្រឹងការប្រមូលព័ត៌មាននិងទិន្នន័យស្តីពីការធ្វើចំណាកស្រុកអន្តរជាតិ; ជំរុញកិច្ចសហប្រតិបត្តិការអន្តរជាតិ ដើម្បីពង្រីកបណ្តាញធ្វើចំណាកស្រុកស្របច្បាប់និងមានសុវត្ថិភាព ធានាសុខុមាលភាពសង្គម និងសុខភា