លោកនាយករដ្ឋមន្ត្រីបានមានប្រសាសន៍ថា វៀតណាមចង់ឲ្យប្រទេសស្វីសចែករំលែក និងសហប្រតិបត្តិការក្នុងការវិនិយោគអំពីទុន វិទ្យាសាស្ត្រ និងបច្ចេកវិទ្យា ការបណ្តុះបណ្តាលធនធានមនុស្ស វិទ្យាសាស្ត្រគ្រប់គ្រង និងការកសាងស្ថាប័ន រួមទាំងក្នុងវិស័យកសិកម្ម; គាំទ្រឧបត្ថម្ភវៀតណាមឱ្យចូលរួមក្នុងខ្សែសង្វាក់ផ្គត់ផ្គង់ ពង្រីកទីផ្សារក្នុងប្រទេសស្វីស និងបណ្តាប្រទេសនៅអឺរ៉ុប ជាពិសេសសម្រាប់ផលិតផលដែលវៀតណាមមានប្រៀបខ្លាំង និងស្វីសមានតម្រូវការ ដូចជាបន្លែ និងផ្លែឈើ៖ កាហ្វេ ស្វាយចន្ទី គ្រាប់ម៉ាកាដាមៀ ម្រេច សណ្តែក។ លោកនាយករដ្ឋមន្ត្រីបានស្នើឱ្យប្រទេសស្វីសផ្លាស់ប្តូរព័ត៌មាន និងការព្យាករណ៍ជាយុទ្ធសាស្ត្រ រួមទាំងការព្យាករណ៍ទីផ្សារជាដើម ដោយ ឈរលើមូលដ្ឋាននៃទស្សនៈផលប្រយោជន៍ទៅវិញទៅមក។
ចំណែកខ្លួនវិញ លោករដ្ឋមន្ត្រី Christian Hofer បាននិយាយថា ប្រទេសស្វីសមានអង្គភាពអាជីវកម្ម និងសាកលវិទ្យាល័យល្បីឈ្មោះជាច្រើន ដែលអាចសហការជាមួយ វៀតណាមក្នុងវិស័យមួយចំនួន ក្នុងនោះមានការអភិវឌ្ឍកសិកម្មដែលមានគុណភាពខ្ពស់; ត្រៀមខ្លួនជាស្រេចដើម្បីគាំទ្រនិងសហការជាមួយវៀតណាមក្នុងការអភិវឌ្ឍកសិកម្មសរីរាង្គចូលរួមក្នុងខ្សែសង្វាក់ផ្គត់ផ្គង់ពិភពលោក។ លោករដ្ឋមន្ត្រីមានបំណងចង់ឱ្យវៀតណាម និងស្វីសចរចាដើម្បីឈានដល់ការចុះហត្ថលេខាលើកិច្ចព្រមព្រៀងពាណិជ្ជកម្មសេរី ដើម្បីជំរុញការផ្លាស់ប្តូរពាណិជ្ជកម្មរវាងប្រទេសទាំងពីរ៕
