ព័ត៌មាន
វៀតណាមសម្រេចបានការបោះជំហានធំៗក្នុងការចូលរួមក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ
អញ្ជើញចូលរួមក្នុងពិធីនេះ មានលោក Tran Luu Quang ឧបនាយករដ្ឋមន្ត្រីវៀតណាម; លោកឧត្តមសេនីយ៍ឯក Hoang Xuan Chien អនុរដ្ឋមន្ត្រីក្រសួងការពារ ប្រទេស ប្រធានក្រុមការងារអន្តរផ្នែក ប្រធានគណៈកម្មាធិការនៃក្រសួងការពារជាតិ ដឹកនាំការចូលរួមក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ។ ខាងអន្តរជាតិ មានឯកអគ្គរដ្ឋទូតនៃប្រទេសនានាដែលមានទំនាក់ទំនងសហប្រតិបត្តិការ លើវិស័យរក្សាសន្តិភាពអង្គការសហប្រជាជាតិ និងតំណាងអង្គការអន្តរជាតិប្រចាំនៅ វៀតណាមផងដែរ។
ក្នុងរយៈពេល ១០ ឆ្នាំកន្លងមកនេះ វៀតណាមសម្រេចបានការបោះជំហានធំៗ ក្នុងការចូលរួមប្រតិបត្តិការរក្សាសន្តិភាពរបស់អង្គការសហប្រជាជាតិ។ ចាប់ពីនាយ ទាហានពីរនាក់ដំបូងដែលបានដាក់ពង្រាយក្នុងឆ្នាំ ២០១៤ ទៅកាន់ប្រទេសស៊ូដង់ ខាងត្បូង រហូតមកដល់ពេលនេះ កងទ័ពប្រជាជនវៀតណាមបានបញ្ជូននាយទាហាន និងទាហានអាជីពជាង ៨០០ នាក់ក្នុងទម្រង់ជាបុគ្គលនិងអង្គភាព ទៅបំពេញបេស កកម្មនៅប្រទេសស៊ូដង់ខាងត្បូង សាធារណរដ្ឋអាហ្វ្រិកកណ្តាល តំបន់ Abyei និង ទីស្នាក់ការអង្គការសហប្រជាជាតិ។
កងពេទ្យកម្រិត ២ របស់វៀតណាមនៅស៊ូដង់ ខាងត្បូងបានក្លាយទៅជាអាសយដ្ឋានថែទាំសុខភាពដ៏មានកិត្យានុភាព ដោយមាន វេជ្ជបណ្ឌិត និងគិលានុបដ្ឋាយិកាដែលមានសមត្ថភាពជំនាញខ្ពស់ និងការយកចិត្តទុក ដាក់ដោយអស់ពីចិត្តដល់អ្នកជំងឺ បង្កើតសញ្ញាសម្គាល់ពិសេសនៅមូលដ្ឋាន។ ក្នុងឆ្នាំ ២០២២ វៀតណាមបានបញ្ជូនជាលើកដំបូងក្រុមកងវិស្វកម្មទៅកាន់តំបន់ Abyei ដែលជាតំបន់ថ្មីមួយ បង្កើតរបកគំហើញសម្រាប់វៀតណាមក្នុងការចូលរួមបេសកកម្ម រក្សាសន្តិភាពរបស់អង្គការសហប្រជាជាតិ។ ក្នុងការធ្វើតេស្តដើម្បីវាយតម្លៃសមត្ថភាព របស់បេសកកម្ម អង្គភាពវៀតណាមទាំងអស់បំពេញបានយ៉ាងល្អតាមលក្ខណៈវិនិច្ឆ័យ និងស្តង់ដាររបស់អង្គការសហប្រជាជាតិ ជាពិសេសមានលក្ខណៈវិនិច្ឆ័យមួយចំនួន ដែលត្រូវបានវាយតម្លៃថា មានកម្រិតឆ្នើមបំផុត។
នៅក្នុងពិធីនេះ នាយកដ្ឋានរក្សាសន្តិភាពវៀតណាម និងក្រុមកងវិស្វកម្មលេខ១ (នាយកដ្ឋានរក្សាសន្តិភាពវៀតណាម) មានកិត្តិយសទទួលបានគ្រឿងឥស្សរិយយសការពារ មាតុភូមិថ្នាក់ទី៣៕
