យោងតាមអត្ថបទមួយដែលបានបង្ហោះនៅលើគេហទំព័រ asiaone.com (សិង្ហបុរី) កាលពីថ្ងៃទី២១ ខែមីនា វិស័យបច្ចេកវិទ្យាហិរញ្ញវត្ថុ (fintech) របស់វៀត ណាមបានឈានដល់កំពស់ថ្មី ហើយក្របខ័ណ្ឌគតិយុត្តថ្មីកំពុងបន្តជំរុញការអភិវឌ្ឍ នៃវិស័យនេះ។ ទីផ្សារ fintech របស់វៀតណាមត្រូវបានគេរំពឹងថា នឹងសម្រេចបាន ទំហំ ១៨ ពាន់លានដុល្លារអាមេរិកនៅឆ្នាំ ២០២៤។ អត្ថបទខាងលើក៏បានចាត់ទុកថា កម្មវិធីផ្លាស់ប្ដូរឌីជីថលជាតិដល់ឆ្នាំ ២០២៥ នឹងជួយជំរុញ fintech បន្ថែមទៀត។ អ្នកនិពន្ធបានដកស្រង់ទិន្នន័យពីក្រសួងផែនការ និងការវិនិយោគវៀតណាមដែលបង្ហាញថា ជាមួយ នឹងអង្គការ fintech ជិត ២០០ បច្ចុប្បន្ននេះ ៦៦% នៃមនុស្សពេញវ័យនៅប្រទេសវៀតណាមមានគណនីទូទាត់។ លើសពីនេះ អ្នកប្រើប្រាស់ស្មាតហ្វូនជាង ៩១ លាននាក់ និងអត្រានៃការទទួលបាន សេវាអ៊ីនធឺណិតជាង ៧៣% គឺជាលក្ខខណ្ឌអំណោយផលដើម្បីជំរុញការអភិវឌ្ឍវិស័យ fintech។ អង្គការ Fintech ទទួលបានជោគជ័យដោយសារតែមានទំនាក់ទំនងជិតស្និទ្ធ ជាមួយវិស័យធនាគារ ដែលបង្កើតឡើងកម្លាំងរួមដែលមិនអាចកាត់ថ្លៃបាន។ យោងតាមអត្ថបទនេះ ធនាគារពិភពលោក (WB) កំពុងជួយឧបត្ថម្ភវៀតណាម យ៉ាងសកម្មឱ្យក្លាយទៅជាខឿនសេដ្ឋកិច្ចដែលមានប្រាក់ចំណូលខ្ពស់នៅឆ្នាំ ២០៤៥។ ទីផ្សារ fintech របស់វៀតណាមបានក្លាយទៅជាវិស័យវិនិយោគដ៏គួរឱ្យទាក់ទាញ ជាពិសេស ដោយសារតែមានឱកាសជាច្រើនដើម្បីចូលរួមនិងពង្រីកទ្រង់ទ្រាយ៕