នៅថ្ងៃទី២ ខែកុម្ភៈ ឆ្នាំ២០២៦ ឆ្លើយតបនឹងសំណួររបស់អ្នកសារព័ត៌មានអំពីប្រតិកម្មរបស់វៀតណាម ចំពោះការដែលសហរដ្ឋអាមេរិកបានប្រកាសកាលពីថ្ងៃទី២៩ ខែមករា ឆ្នាំ២០២៦ អំពីការដាក់ពន្ធបន្ថែមលើទំនិញរបស់ប្រទេសនានាដែលផ្គត់ផ្គង់ប្រេងដល់គុយបា អ្នកនាំពាក្យក្រសួងការបរទេស  វៀតណាម លោកស្រី Pham Thu Hang បានបញ្ជាក់យ៉ាងច្បាស់ថា វៀតណាមមានការព្រួយបារម្ភយ៉ាងខ្លាំងចំពោះវិធានការថ្មីរបស់សហរដ្ឋអាមេរិក ក្នុងការដាក់ពន្ធបន្ថែមលើទំនិញរបស់ប្រទេសនានាដែលផ្គត់ផ្គង់ប្រេងដល់គុយបា ដោយជះឥទ្ធិពលយ៉ាងធ្ងន់ធ្ងរដល់សកម្មភាពសេដ្ឋកិច្ច សង្គម និងជីវភាពរស់នៅរបស់ប្រជាជនគុយបា។ វៀតណាមបញ្ជាក់ជាថ្មីនូវការគាំទ្រចំពោះសេចក្តីសម្រេចចិត្តដែលមហាសន្និបាតអង្គការសហប្រជាជាតិបានអនុម័ត អស់រយៈពេលជាច្រើនឆ្នាំកន្លង មក ដោយអំពាវនាវឱ្យសហរដ្ឋអាមេរិកដកវិធានការឡោមព័ទ្ធ និងទណ្ឌកម្មឯកតោភាគីប្រឆាំងនឹងគុយបាជាបន្ទាន់ ហើយបោះជំហានទៅមុខដោយការសន្ទនា និងកែលម្អទំនាក់ទំនងជាមួយគុយបា៕