នៅក្នុងសន្និសីទសារព័ត៌មានដែលធ្វើឡើងនារសៀលថ្ងៃទី ១៥ ឧសភា នៅ ទីក្រុងហាណូយ ឆ្លើយតបនឹងសំណួររបស់អ្នកសារព័ត៌មានអំពីប្រតិកម្មរបស់ វៀតណាមចំពោះការដែលប្រទេសចិននាពេលថ្មីៗនេះបានប្រកាសបទហាមឃាត់លើការនេសាទនៅសមុទ្រខាងកើតនោះ អ្នកនាំពាក្យក្រសួងការបរទេសវៀតណាម លោកស្រី Pham Thu Hang បានឲ្យដឹងថា៖ ក្រសួងការបរទេសវៀតណាមបានទំនាក់ ទំនងជាមួយស្ថានទូតចិនប្រចាំនៅទីក្រុងហាណូយ ហើយបានប្រគល់កំណត់ទូត ប្រឆាំងជំទាស់នឹងបទហាមឃាត់លើការនេសាទ។
“គោលជំហររបស់វៀតណាមលើការហាមឃាត់ការនេសាទរបស់ចិននៅសមុទ្រខាងកើតគឺឥតងាករេ ហើយត្រូវបានបញ្ជាក់ជាច្រើនលើកច្រើនសាហើយ។ វៀតណាម សំណូមពរឲ្យចិនគោរពអធិបតេយ្យភាពរបស់វៀតណាមចំពោះប្រជុំកោះ Hoang Sa ក៏ដូចជាអធិបតេយ្យភាព សិទ្ធិអធិបតេយ្យភាព និងយុត្តាធិការលើតំបន់ដែនសមុទ្រ របស់វៀតណាម ដែលត្រូវបានបង្កើតឡើងស្របតាមអនុសញ្ញាអង្គការសហប្រជាជាតិ ស្តីពីច្បាប់សមុទ្រឆ្នាំ ១៩៨២; គោរពសិទ្ធិអ្នកនេសាទវៀតណាមក្នុងការធ្វើប្រតិបត្តិការ ស្របច្បាប់ក្នុងដែនទឹករបស់វៀតណាម និងដែនទឹកនៅខាងក្រៅយុត្តាធិការជាតិ ស្រប តាមច្បាប់អន្តរជាតិ ជាពិសេសអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ មិនធ្វើសកម្មភាពដែលបង្កភាពស្មុគស្មាញដល់ស្ថានការណ៍ រួមចំណែករក្សាសន្តិភាព ស្ថិរភាព និងសណ្តាប់ធ្នាប់នៅសមុទ្រដោយផ្អែកលើច្បាប់នៅសមុទ្រខាងកើត”៕
