ទទួលសេចក្តីអញ្ជើញរបស់ប្រធានាធិបតីតង់ហ្សានីលោក Jonh Magufuli ប្រធានាធិបតីម៉ូសំប៊ិក លោក Filipe Jacinto Nyusi និងប្រធានាធិបតីអ៊ីរ៉ង់ លោក Hassan Rouhani នាថ្ងៃទី៨ ខែមិនា ឆ្នាំ២០១៦ ប្រធានរដ្ឋវៀតណាម លោក Truong Tan Sang លោកជំទាវរួមទាំងគណៈប្រតិភូជាន់ខ្ពស់វៀតណាម បានចាកចេញពី ទីក្រុងហាណូយអញ្ជើញទៅបំពេញទស្សនកិច្ចថ្នាក់រដ្ឋនៅប្រទេសទាំងបីនេះ ចាប់ពីថ្ងៃទី៩ ដល់ថ្ងៃទី១៥ ខែមិនា ឆ្នាំ២០១៦។ ដំណើរទស្សនកិច្ចនេះសំដៅធ្វើឲ្យស៊ីជម្រៅ និងជម្រុញយ៉ាងខ្លាំងក្លាថែមទៀតនូវទំនាក់ទំនងប្រពៃណីមិត្តភាពយ៉ាងល្អ ប្រសើររវាងវៀតណាមជាមួយតំបន់មជ្ឈឹមបូព៌ានិងតំបន់អាហ្វ្រិក។
ដោយតួនាទីនិងសក្កានុភាពយ៉ាងធំធេងរបស់តង់ហ្សានី ម៉ូសំប៊ិក និងអ៊ីរ៉ង់ ក្នុងតំបន់អាហ្វ្រិកនិងមជ្ឈឹមបូព៌ា ក្នុងដំណើរទស្សនកិច្ចលើកនេះ ប្រធានរដ្ឋ Truong Tan Sang និងរួមជាមួយថ្នាក់ដឹកនាំនៃប្រទេសទាំងបីនេះ ផ្លាស់ប្តូរលើ វិធានការជាក់ស្តែងនានា ដើម្បីបង្កើនទំនាក់ទំនងកិច្ចសហប្រតិបត្តិការ ប្រពៃណី ព្រមទាំងជម្រុញកិច្ចសហប្រតិបត្តិការទ្វេភាគី លើគ្រប់វិស័យ។ ដំណើរទស្សនកិច្ចរបស់លោក Truong Tan Sang ទៅកាន់ប្រទេសទាំងបីនេះ បានបើកចេញទំព័រថ្មី នៃទំនាក់ទំនងមិត្តភាពជាប្រពៃណីយ៉ាងល្អប្រសើរ រវាងវៀតណាមជាមួយប្រទេសតង់ហ្សានី ម៉ូសំប៊ិក និងអ៊ីរ៉ង់ ដើម្បីផលប្រយោជន៍របស់ប្រជាជន នៃប្រទេសនីមួយៗ ដើម្បីសន្តិភាពនិងការអភិវឌ្ឍន៍ក្នុងតំបន់និងលើពិភពលោក៕
តាម VOV5 - វិទ្យុសម្លេងវៀតណាម
