• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាមតែងតែចាត់ទុកជប៉ុនជាដៃគូយុទ្ធសាស្ត្រដ៏សំខាន់បំផុតរបស់ខ្លួន

នាយប់ថ្ងៃទី១៣ ខែមករា ឆ្នាំ២០២៣ នៅទីក្រុងហាណូយ ក្នុងជំនួបទទួលជួបជាមួយរដ្ឋមន្ត្រីក្រសួងហិរញ្ញវត្ថុជប៉ុនលោក Suzuki Shunichi ដែលកំពុងបំពេញទស្សនកិច្ចនៅវៀតណាម នាយករដ្ឋមន្ត្រីលោក Pham Minh Chinh បានអះអាងថា វៀតណាមជានិច្ចកាលចាត់ទុកជប៉ុនជាដៃគូយុទ្ធសាស្ត្រសំខាន់; គាំទ្រជប៉ុនក្នុងការរួមចំណែកយ៉ាងសកម្មចំពោះសន្តិភាព កិច្ចសហប្រតិបត្តិការ និងការអភិវឌ្ឍក្នុងតំបន់ និងពិភពលោក។
នាយករដ្ឋមន្ត្រី លោកPham Minh Chinh ទទួលជួបរដ្ឋមន្ត្រីក្រសួងហិរញ្ញវត្ថុជប៉ុន លោក Suzuki Shunichi។ (រូបថត៖ TTXVN)

លោកនាយករដ្ឋមន្ត្រីបានឲ្យដឹងថា វៀតណាមបន្តលើកទឹកចិត្ត និងបង្កលក្ខណៈងាយស្រួលសម្រាប់សហគ្រាសជប៉ុនក្នុងការផលិត និងធ្វើអាជីវកម្មប្រកបដោយភាពរលូន និងមានប្រសិទ្ធភាពនៅវៀតណាម។

លោកនាយករដ្ឋមន្ត្រី Pham Minh Chinh បានស្នើឱ្យជប៉ុនជួយឧបត្ថម្ភវៀតណាមក្នុងការស្រាវជ្រាវ និងកសាងផ្លូវរថភ្លើងល្បឿនលឿនតភ្ជាប់ភាគខាងជើង-ខាងត្បូង; គាំទ្រវៀតណាមក្នុងការរៀបចំរចនាសម្ព័ន្ធដើមទុនរួមវិភាគទាននៅគម្រោងរោងចក្រចម្រាញ់ប្រេង Nghi Son; គាំទ្រ និងណែនាំវៀតណាមក្នុងការគ្រប់គ្រង និងប្រតិបត្តិការ ជាពិសេសការផ្លាស់ប្តូរឌីជីថលក្នុងវិស័យដែលទាក់ទងនឹងហិរញ្ញវត្ថុ ដូចជា៖ គយ ទីផ្សារមូលបត្រ សាជីវកម្ម ទីផ្សារភាគហ៊ុន ...។

រីឯខ្លួនវិញ លោករដ្ឋមន្ត្រី Suzuki Sunichi បានជម្រាបជូនលោកនាយករដ្ឋមន្ត្រី Pham Minh Chinh អំពីលទ្ធផលនៃជំនួបពិភាក្សាការងាររវាងរូបលោកផ្ទាល់ជាមួយរដ្ឋមន្ត្រីក្រសួងហិរញ្ញវត្ថុវៀតណាម លោក Ho Duc Phuc ដែលភាគីទាំងពីរបានឯកភាពលើខ្លឹមសារជាច្រើន ជាពិសេសគឺបន្តជំរុញកិច្ចសហប្រតិបត្តិការក្នុងការអភិវឌ្ឍហេដ្ឋារចនាសម្ព័ន្ធ។ ទាក់ទិននឹងសំណើរបស់លោកនាយករដ្ឋមន្ត្រីវៀតណាម លោករដ្ឋមន្ត្រី Suzuki Shunichi បាននិយាយថា ទាំងនេះសុទ្ធតែជាបញ្ហាដ៏មានអត្ថន័យ ហើយភាគីជប៉ុនកំពុងសិក្សាយ៉ាងសកម្ម និងសម្របសម្រួលជាមួយភ្នាក់ងារវៀតណាម ដើម្បីផ្តល់ដំណោះស្រាយល្អបំផុតក្នុងពេលឆាប់ៗនេះ៕

តាម VOV5 - វិទ្យុសំឡេងវៀតណាម​

វិស័យទេសចរណ៍អភិវឌ្ឍន៍នៅតាមខេត្ត ក្រុងជាច្រើនក្រោយបុណ្យតេត

វិស័យទេសចរណ៍អភិវឌ្ឍន៍នៅតាមខេត្ត ក្រុងជាច្រើនក្រោយបុណ្យតេត

ក្រោយបុណ្យតេត ភ្ញៀវទេសចរនៅតែមកទស្សនាទីក្រុង Da Lat ក៏ដូចជា ខេត្ត Lam Dong ផងដែរ។ មន្ទីរវប្បធម៌ កីឡា និងទេសចរណ៍ខេត្ត Lam Dong កាលពីថ្ងៃទី ២៧ មករា បានឲ្យដឹងថា ចាប់ពីថ្ងៃទី ២០ ដល់ថ្ងៃទី ២៩ ខែមករា បរិមាណភ្ញៀវសរុបមកទស្សនា និងសម្រាកលំហែកាយនៅខេត្ត Lam Dong ត្រូវបានគេប៉ាន់ប្រមាណមានចំនួន ២៥ មឺនលើកនាក់ កើន ២,៥ ដងបើប្រៀប ធៀបនឹងឱកាសបុណ្យតេត ឆ្នាំ ២០២២។

Top