នៅក្នុងពិធីនេះ លោក Nguyen Minh Vu ឧបការីរដ្ឋមន្ត្រីក្រសួងការបរទេសបានអះអាងថា UNCLOS បានក្លាយជាឯកសារច្បាប់ដ៏សំខាន់បំផុត និងជាសមិទ្ធិផលដ៏ធំបំផុតមួយទាក់ ទងនឹងច្បាប់អន្តរជាតិរបស់សហគមន៍អន្តរជាតិក្នុងសតវត្សទី២០។ ក្នុងនាមជាប្រទេសជាប់មាត់សមុទ្រ ការគោរពនិងអនុវត្តន៍យ៉ាងពេញលេញនូវ បទប្បញ្ញត្តិរបស់ UNCLOS គឺសមស្របទាំងស្រុង ជាមួយនឹងគោលការណ៍និងគោលនយោបាយខ្ជាប់ខ្ជួនរបស់វៀតណាម រហូតមកដល់បច្ចុប្បន្ន។ ដោយស្មារតីគោរពច្បាប់ វៀតណាមតស៊ូមតិយ៉ាងស្វិតស្វាញ ដោះស្រាយការខ្វែងគំនិតគ្នានៅសមុទ្រដោយសន្តិវិធី ស្របតាមច្បាប់អន្តរជាតិ រួមទាំង UNCLOS ផងដែរ។
អនុវត្តគោលការណ៍នេះ វៀតណាមសម្រេចបានសមិទ្ធិផលជាច្រើនក្នុងការដោះស្រាយបញ្ហាកំណត់ដែនសមុទ្រជាមួយប្រទេសជិតខាង; វៀតណាមក៏បានចូលរួមយ៉ាងសកម្មក្នុងក្របខណ្ឌនៃយន្តការអន្តរជាតិដែលត្រូវបានបង្កើតឡើងក្រោមអនុសញ្ញា រួមចំណែកគំនិតផ្តួចផ្តើមលេចធ្លោជាច្រើន ដែលត្រូវបានសហគមន៍អន្តរជាតិទទួលស្គាល់ ដោយបង្ហាញពីតួនាទីរបស់វៀតណាមក្នុងវេទិកាអន្តរជាតិ និងតំបន់ទាក់ទងនឹងសមុទ្រនិងមហាសាគរ ដូចជាដំណើរការមហាសាគរ និងច្បាប់សមុទ្ររបស់អ.ស.ប។
លោក Nguyen Minh Vu បានសង្កត់ធ្ងន់ថា៖ នៅអ.ស.ប វៀតណាមនិងគណៈប្រតិភូនៃប្រទេសចំនួន១១ បានសហការបង្កើតក្រុមមិត្តភាព UNCLOS ដោយមានប្រទេសសមាជិកជាង ១០០ ដើម្បីជំរុញការអនុវត្ត UNCLOS ៕
