អញ្ជើញថ្លែងមតិក្នុងពិធីបើកសិក្ខាសាលា លោកឧត្តមសេនីយ៍ឯក Nguyen Van Ky អនុប្រធាននាយកដ្ឋានកិច្ចការបរទេស ក្រសួងនគរបាលបានវាយតម្លៃថា ការកសាង និងការពាររបាយការណ៍ជាតិជាភារកិច្ចសំខាន់មួយ បង្ហាញពីការទទួលខុសត្រូវ និងកិច្ចខិតខំប្រឹងប្រែងរបស់វៀតណាមក្នុងការអនុវត្តកាតព្វកិច្ចរបស់ខ្លួន ក្នុងនាមជាសមាជិកនៃអនុសញ្ញាប្រឆាំងនឹងការធ្វើទារុណកម្ម។ លើសពីនេះ ការជំរុញការឃោសនា និងការផ្សព្វផ្សាយយ៉ាងទូលំទូលាយនូវខ្លឹមសារនៃរបាយការណ៍ជាតិលើកទី២ និងសមិទ្ធិផលនានាក្នុងការធានាសិទ្ធិមនុស្សក្នុងអំឡុងពេលអនុវត្តអនុសញ្ញាប្រឆាំងនឹងការធ្វើទារុណកម្មក៏មានសារៈសំខាន់ផងដែរ ដើម្បីជួយផ្សព្វផ្សាយខ្លឹមសារនៃអនុសញ្ញា និងការខិតខំប្រឹងប្រែងរបស់វៀតណាមក្នុងការអនុវត្តអនុសញ្ញានេះ។
រីឯខ្លួនវិញ លោក Patrick Haverman អនុប្រធានតំណាង UNDP ប្រចាំនៅវៀតណាមបានស្វាគមន៍ចំពោះការចេញផ្សាយនិងអនុវត្តប្រកបដោយជោគជ័យសេចក្តីសម្រេចចិត្តរបស់នាយករដ្ឋមន្ត្រីរដ្ឋាភិបាលដោយ៖ អនុម័តផែនការពង្រឹងការអនុវត្តប្រកបដោយប្រសិទ្ធភាពនៃអនុសញ្ញាប្រឆាំងនឹងការធ្វើទារុណកម្ម និងការធ្វើបាបដ៏ឃោរឃៅ អមនុស្សធម៌ ឬបន្ទាបបន្ថោកផ្សេងទៀត ឬការដាក់ទណ្ឌកម្ម និងអនុសាសន៍សមស្របរបស់គណៈកម្មាធិការប្រឆាំងការធ្វើទារុណកម្ម។
លោក Patrick Haverman បានឲ្យដឹងថា UNDP ប្តេជ្ញាបន្តរួមដំណើរជាមួយប្រទេសវៀតណាមក្នុងការងារពាក់ព័ន្ធនឹងការការពាររបាយការណ៍អនុសញ្ញា CAT នាពេលខាងមុខ៕
