ទិដ្ឋភាពនៃ សិក្ខាសាលាស្ដីពី “តម្បាញកាត់ដេរវៀតណាម និង CPTPP”
CPTPP ត្រូវបានរំពុងទុកថា នឹងក្លាយទៅជាកម្លាំងចលករសម្រាប់ទំនិញតម្បាញកាត់ដេររបស់វៀតណាមជ្រៀតចូលទីផ្សារកាណាដា។
នាថ្ងៃទី១៦ ខែឧសភា ឆ្នាំ២០១៩ នៅទីក្រុង Montreal ប្រទេសកាណាដា សម្ព័ន្ធក្រុមហ៊ុនតម្បាញកាត់ដេរវៀតណាម (Vinatex) បានរៀបចំសិក្ខាសាលាស្ដីពី “តម្បាញកាត់ដេរវៀតណាម និង CPTPP” ដោយ ទាក់ទាញ ការចូលរួមរបស់ សហគ្រាសកាណាដាចំនួន ៣៥ អង្គភាព។ នាឆ្នាំ ២០១៨ តម្លៃប្រាក់នាំចេញ នាំចូលទំនិញតម្បាញកាត់ដេររបស់វៀតណាម ទៅកាន់ទីផ្សារ CPTPP ទទួលបាន ៥,៣ ពាន់លានដុល្លារអាមេរិក ស្រូបយក ៦,៣% នៃចំណែកទីផ្សារ តែប៉ុណ្ណោះ។ នាបច្ចុប្បន្ននេះ តម្រូវការទំនិញតម្បាញកាត់ដេររបស់កាណាដាគឺប្រមាណ ពី ១៣ ទៅ ១៤ ពាន់លានដុល្លារអាមេរិក ដែលក្នុងនោះ វៀតណាមស្រូបយក ៥ % នៃចំណែកទីផ្សារ។ លោក Le Tien Truong អគ្គនាយក Vinatex សង្ឃឹមថា នេះគឺជារបៀបទាក់ទងផ្ទាល់ដ៏ត្រឹមត្រូវ ដើម្បីវៀតណាម អាចបង្កើនចំណែកទីផ្សារនៅកាណាដាឡើង ១២ ទៅ ១៤%។
តាមកិច្ចព្រមព្រៀង CPTPP តម្លៃប្រាក់នាំចេញនៃផ្នែកតម្បាញកាត់ដេររបស់វៀតណាមចំនួន ៤៨,២ % ទៅកាន់កាណាដាគឺត្រូវបានលើកលែងពន្ធ។ ហេតុដូច្នេះហើយ CPTPP ត្រូវបានរំពុងទុកថា នឹងក្លាយទៅជាកម្លាំងចលករសម្រាប់ទំនិញតម្បាញកាត់ដេរ របស់វៀតណាមជ្រៀតចូលទីផ្សារកាណាដា៕
តាម VOV5 - វិទ្យុសំឡេងវៀតណាម
