អគ្គលេខាបក្សកុម្មុយនិស្តវៀតណាមលោក To Lam និងអគ្គលេខាបក្សកុម្មុយនិស្តចិន ប្រធានរដ្ឋចិន លោក Xi Jinping។ (រូបថត៖ VOV)

ក្នុងឱកាសរំលឹកខួបលើកទី ៧៥ ទិវាបង្កើតទំនាក់ទំនងការទូតរវាងវៀតណាម និងចិន (ថ្ងៃទី ១៨ ខែមករា ឆ្នាំ ១៩៥០ - ថ្ងៃទី ១៨ ខែមករា ឆ្នាំ ២០២៥) អគ្គលេខាបក្សកុម្មុយនិស្តវៀតណាមលោក To Lam និងប្រធានរដ្ឋវៀតណាមលោក Luong Cuong បានផ្លាស់ប្តូរលិខិត/សារទូរលេខអបអរសាទរជាមួយអគ្គលេខាបក្ស ប្រធានរដ្ឋចិន លោក Xi Jinping; នាយករដ្ឋមន្ត្រីវៀតណាមលោក Pham Minh Chinh បានផ្លាស់ប្តូរលិខិត/សារទូរលេខអបអរសាទរជាមួយនាយករដ្ឋមន្ត្រីចិន លោក Li Qiang; ប្រធានរដ្ឋសភាវៀតណាមលោក Tran Thanh Man បានផ្លាស់ប្តូរសារទូរលេខអបអរសាទរជាមួយប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន លោក Zhao Leji; ប្រធានគណៈកម្មាធិការមជ្ឈិមរណសិរ្សមាតុភូមិវៀតណាម លោក Do Van Chien បានផ្លាស់ប្តូរសារទូលេខ/លិខិតអបអរសាទរជាមួយប្រធានគណៈកម្មាធិការជាតិនៃសន្និសីទប្រឹក្សានយោបាយប្រជាជនចិន លោក Wang Huning។

លិខិត និងសារទូរលេខអបអរសាទរពីថ្នាក់ដឹកនាំវៀតណាម ដែលផ្ញើរទៅកាន់ថ្នាក់ដឹកនាំចិន មានកថាខណ្ឌដែលសរសេរថា៖ បក្ស រដ្ឋ និងប្រជាជនវៀតណាមគោរពចងចាំជានិច្ចនូវការសម្របសម្រួល ការជួយឧបត្ថម្ភដ៏មានតម្លៃ និងប្រកបដោយប្រសិទ្ធភាពរបស់បក្ស រដ្ឋ និងប្រជាជនចិនក្នុងដំណាក់កាលប្រវត្តិសាស្ត្រនានា; កំណត់ជារៀងរហូតថា ការអភិវឌ្ឍទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការលើគ្រប់ជ្រុងជ្រោយជាមួយចិន គឺជាគោលជំហរដ៏ខ្ជាប់ខ្ជួន ជាអាទិភាពចម្បងក្នុងគោលនយោបាយការបរទេសឯករាជ្យ ខ្លួនទីពឹងខ្លួន ពហុភាគីភានិយម និងពិពិធកម្មរបស់វៀតណាម។ ក្នុងបរិបទដែលស្ថានភាពពិភពលោក និងតំបន់ មានការប្រែប្រួលយ៉ាងជ្រាលជ្រៅហើយបុព្វហេតុកសាងសង្គមនិយមនៅប្រទេសនីមួយៗ បានឈានចូលដំណាក់កាលដ៏សំខាន់បំផុតនោះ ថ្នាក់ដឹកនាំកំពូលនៃបក្សទាំងពីរ និងប្រទេសទាំងពីរបានឯកភាពគ្នាក្នុងការពង្រឹងថែមទៀតនូវកិច្ចសហប្រតិបត្តិការភាពជាដៃគូយុទ្ធសាស្ត្រលើគ្រប់ជ្រុងជ្រោយ ជំរុញការកសាងសហគមន៍ចែករំលែកអនាគតវៀតណាម-ចិន ប្រកបដោយអត្ថន័យសាស្ត្រ ដើម្បីសុភមង្គលរបស់ប្រជាជននៃប្រទេសទាំងពីរ ដើម្បីបុព្វហេតុសន្តិភាព និងវឌ្ឍនភាពរបស់មនុស្សជាតិ។