ថ្លែងមតិក្នុងជំនួបនេះ លោកប្រធានរដ្ឋបានសង្កត់ធ្ងន់ថា ឆ្នាំនេះ កំណើន GDP របស់វៀតណាមទទួលបានប្រមាណ ៥% ទោះបីមិនទាន់សម្រេចបានគោលដៅដែលបានកំណត់ក៏ដោយ ក៏សហគមន៍ពិភពលោកវាយតម្លៃថា វៀតណាមនៅតែជាចំណុចដ៏ភ្លឺក្នុងបរិបទដែលសេដ្ឋកិច្ចពិភពលោក ប្រឈមនឹងការលំបាកជាច្រើន។ បញ្ហាសន្តិសុខសង្គមរបស់វៀតណាមជានិច្ចកាលត្រូវបានយកចិត្តទុកដាក់ និងធានា។ ជាពិសេស សកម្មភាពកិច្ចការបរទេសក្នុងឆ្នាំនេះ មានភាពរស់រវើក សម្បូរបែប ជាក់ស្តែង និងមានប្រសិទ្ធភាព។ វៀតណាមមានទំនាក់ទំនងការទូតជាមួយប្រទេសចំនួន ១៩៣; មានក្របខ័ណ្ឌភាពជាដៃគូយុទ្ធសាស្ត្រគ្រប់ជ្រុងជ្រោយ ភាពជាដៃគូយុទ្ធសាស្ត្រ និងភាពជាដៃគូគ្រប់ជ្រុងជ្រោយជាមួយប្រទេសជាង ៣០។ លោកប្រធានរដ្ឋ Vo Van Thuong បានសង្កត់ធ្ងន់ថា៖

“ខ្ញុំបានចូលរួមក្នុងសកម្មភាពទ្វេភាគី និងពហុភាគីមួយចំនួន ពីប្រទេសចិន សហរដ្ឋអាមេរិក ជប៉ុន ចក្រភពអង់គ្លេស ... ដៃគូទាំងអស់បានវាយតំលៃខ្ពស់ចំពោះកិច្ចខិតខំប្រឹងប្រែងរបស់វៀតណាមក្នុងការពុះពារជម្នះលើការលំបាក ដើម្បីក្លាយជាចំណុចភ្លឺនៃសេដ្ឋកិច្ច។ វៀតណាមមានគោលមាគ៌ាកិច្ចការបរទេសពិពិធកម្ម និងពហុភាគីភាវូបនីយកម្ម ដើម្បីសន្តិភាព កិច្ចសហប្រតិបត្តិការ និងការអភិវឌ្ឍ ក្នុងស្មារតីជាមិត្ត ជាដៃគូអន្តរជាតិដែលអាចទុកចិត្តបាន ដែលទទួលបានការវាយតម្លៃខ្ពស់ពីពិភពលោក”។

លោកប្រធានរដ្ឋក៏បានមានប្រសាសន៍ថា ឆ្នាំនេះការងារកសាងបក្ស និងប្រព័ន្ធនយោបាយបន្តសម្រេចបានលទ្ធផលសំខាន់ៗ; ការងារតស៊ូប្រយុទ្ធប្រឆាំងអំពើពុករលួយ និងភាពអវិជ្ជមានកាន់តែមានប្រសិទ្ធភាព៕