ថ្លែងមតិនៅសាលា លោកនាយករដ្ឋមន្ត្រី Pham Minh Chinh បានសង្កត់ធ្ងន់ថា ចាប់តាំងពីឆ្នាំ ១៩៤៣ វៀតណាមបានចេញផ្សាយកម្មវិធីវប្បធម៌ ដោយកំណត់យ៉ាងច្បាស់នូវតួនាទី និងឋានៈរបស់វប្បធម៌; ចាត់ទុកវប្បធម៌ជាសមរភូមិមួយក្នុងចំណោមសមរភូមិទាំងបី រួមជាមួយនឹងសេដ្ឋកិច្ច និងនយោបាយ; កំណត់ការអភិវឌ្ឍវប្បធម៌តាមទិសដៅចំនួនបីគឺជនជាតិ វិទ្យាសាស្ត្រ និងមហាជន។ បណ្ដាជំនាន់ថ្នាក់ដឹកនាំ បានសង្កត់ធ្ងន់លើតួនាទីនៃវប្បធម៌ក្នុងការកសាង និងអភិវឌ្ឍប្រទេសជាតិ; ប្តេជ្ញាចិត្តកសាងវប្បធម៌ដ៏ពោរពេញទៅដោយអត្តសញ្ញាណជាតិ ឯកភាពក្នុងភាពចម្រុះ; ចាត់ទុកវប្បធម៌ និងមនុស្សជាអំណាចទន់របស់ប្រជាជាតិ។ ប្រទេសកាន់តែរីកចម្រើន តួនាទី និងឋានៈរបស់វប្បធម៌កាន់តែធ្ងន់ធ្ងរ។

លោកនាយករដ្ឋមន្ត្រីក៏បានលើកឡើងដែរថា បច្ចុប្បន្ននេះ រដ្ឋាភិបាលកំពុងកសាងយុទ្ធសាស្ត្រអភិវឌ្ឍន៍ឧស្សាហកម្មវប្បធម៌ និងឧស្សាហកម្មកម្សាន្ត ដូច្នេះហើយ ត្រូវការការវិនិយោគដ៏ធំធេងលើធនធានមនុស្ស ក៏ដូចជាមូលដ្ឋានសម្ភារៈ និងហិរញ្ញវត្ថុសម្រាប់ការអភិវឌ្ឍវប្បធម៌ ពីនោះបង្កើតផលិតផលវប្បធម៌ដ៏ពេញនិយមដើម្បីជំរុញទេសចរណ៍ និងការងារ។

វិស័យវប្បធម៌របស់កងទ័ពប្រជាជនក៏ដើរតួនាទីយ៉ាងសំខាន់ក្នុងការអប់រំនយោបាយ និងមនោគមវិជ្ជា; បង្ហាញតាមរយៈបទចម្រៀងជាច្រើនដែលបាននិពន្ធក្នុងរយៈពេលតស៊ូរំដោះនិងបង្រួបបង្រួមប្រទេសជាតិ។ លោកនាយករដ្ឋមន្ត្រីមានគោលបំណងចង់ឲ្យ សាលាបន្តអនុវត្តន៍បានល្អគ្រប់ភារកិច្ចបង្រៀន ស្រាវជ្រាវ និងប្រែក្លាយវប្បធម៌ទៅជាសេចក្ដីស្នេហាជាតិ ព្រមទាំង រួមចំណែកកសាងធនធានមនុស្សវប្បធម៌ប្រកបដោយគុណភាពខ្ពស់សម្រាប់ប្រទេសជាតិ ជំរុញការផ្សព្វផ្សាយតម្លៃវប្បធម៌វៀតណាមទៅកាន់ពិភពលោក ៕