ក្នុងឱកាសរំលឹកទិវាវប្បធម៌បណ្តាជនជាតិវៀតណាម (ថ្ងៃទី១៩ ខែមេសា) នាថ្ងៃទី១៥ខែមេសាឆ្នាំ២០១៦ សម្ព័ន្ធសមាគមនារីវៀតណាម ទីក្រុងហូជីមិញបានរៀបចំមហោស្រព “គំរូឆ្នើមជានារីជនជាតិភាគតិច” លើកទី៤ ដោយមានការចូលរួម របស់នារីឆ្នើមជាង៤០០នាក់ តំណាងឲ្យនារីជនជាតិភាគតិចលើទូទាំងទីក្រុង។ នៅមហោស្រពនេះ បានប្រព្រឹត្តទៅសកម្មភាពដ៏ផុលផុសជាច្រើនដូចជា ឧទ្ទេសនាមប្រភេទនុំប្រពៃណីរបស់ជនជាតិនីមួយៗ ជួបប្រាស្រ័យសិល្បៈ និងឧទ្ទេសនាមលក្ខណៈវប្បធម៌វិសេសវិសាល របស់ជនជាតិនានាផងដែរ។ ជាពិសេសនៅ មហោស្រពលើកនេះ បានលើកសរសើរគំរូឆ្នើមជានារីជនជាតិ ភាគតិចចំនួន១០០ នាក់ដែលមានស្នាដៃលេចធ្លោលើគ្រប់វិស័យ។ មហោស្រពនេះបានប្រព្រឹត្តទៅ២ឆ្នាំម្តង សំដៅលើកស្ទួយកម្មាភិបាលសមាគម និងនារីជាជនជាតិភាគ តិចលើគ្រប់វិស័យ ព្រមទាំងបង្កើតឱកាសសម្រាប់បងប្អូន នារីជាជាតិភាគតិច ជួបប្រាស្រ័យទាក់ទង រៀនសូត្របទពិសោធពីគ្នាទៅវិញទៅមក រួមគ្នាពង្រីក ប្រពៃណីដ៏ល្អប្រសើរបស់ នារីវៀតណាមទៀតផង៕
តាម VOV5 - វិទ្យុសម្លេងវៀតណាម
