បន្ទាប់ពីពិធីបើក សិក្ខាសាលាបានឈានចូលសម័យពិភាក្សាទី១ ដោយប្រធានបទ៖ "ប្រព័ន្ធតម្លៃគ្រួសារនិងស្តង់ដារមនុស្សវៀតណាមក្នុងយុគសម័យថ្មី"។ ប្រតិភូបានផ្លាស់ប្តូរ និងពិភាក្សាអំពីទ្រឹស្តី និងមូលដ្ឋានជាក់ស្តែង ដើម្បីកសាង និង រៀបចំអនុវត្តន៍ប្រព័ន្ធតម្លៃគ្រួសារ និងស្តង់ដារមនុស្សវៀតណាម; ខ្លឹមសារនៃប្រព័ន្ធ តម្លៃគ្រួសារ និងស្តង់ដារមនុស្សវៀតណាម និងទំនាក់ទំនងទៅវិញទៅមករវាងតម្លៃ ទាំងនោះ; លក្ខខណ្ឌនិងកត្តាចាំបាច់ និងជះឥទ្ធិពលដល់ដំណើរការកសាង និងរៀបចំ ការអនុវត្តន៍ប្រព័ន្ធតម្លៃគ្រួសារ និងស្តង់ដារមនុស្សវៀតណាម… តាមនោះ ស្នើឡើង ដំណោះស្រាយដើម្បីនាំប្រព័ន្ធតម្លៃគ្រួសារ និងស្តង់ដារមនុស្សវៀតណាមទៅក្នុង ជីវភាពជាក់ស្តែង។ ប្រធានគណៈកម្មាធិការឃោសនាអប់រំមជ្ឈិម លោក Nguyen Trong Nghia បានឲ្យដឹងថា៖

“ក្នុងសិក្ខាសាលានេះ យើងនឹងរួមចំណែកបង្កើតឯកភាពខ្ពស់ក្នុងបក្ស ភាពឯកឆន្ទ ក្នុងប្រព័ន្ធនយោបាយ និងប្រជាជនរបស់យើង អំពីទស្សនៈនានារបស់បក្ស ដើម្បីយើង បន្តសិក្សាស្រាវជ្រាវ ស្នើជូនបក្សនិងរដ្ឋនូវមូលដ្ឋានទ្រឹស្តី និងការអនុវត្តជាក់ស្តែង ដើម្បីថែរក្សា ពង្រីក កសាង និងអភិវឌ្ឍន៍ប្រព័ន្ធតម្លៃវៀតណាម។ ពីនោះ រួមចំណែក កសាង និងពង្រីកតម្លៃវប្បធម៌ និងកម្លាំងរបស់មនុស្សរបស់វៀតណាម ដើម្បីនាំ ប្រទេសជាតិឲ្យមានការអភិវឌ្ឍយ៉ាងឆាប់រហ័ស ប្រកបដោយចីរភាព សម្រេចបាន ភារកិច្ចដែលសេចក្តីសម្រេចចិត្តនៃមហាសន្និបាតបក្សលើកទី១៣បានកំណត់”៕