• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

រៀបចំផែនការមេថ្នាក់ជាតិ ដើម្បីអភិវឌ្ឍន៍ប្រទេសជាតិ

ក្នុងសម័យប្រជុំនេះ ប្រតិភូសុទ្ធតែបានសង្កត់ធ្ងន់ជាពិសេសលើសារៈសំខាន់នៃការកសាង សុក្រិត និងអនុវត្តន៍ផែនការមេថ្នាក់ជាតិដំណាក់កាលឆ្នាំ ២០២១-២០៣០ ចក្ខុវិស័យដល់ឆ្នាំ ២០៥០ ដើម្បីបង្កើតមូលដ្ឋានគ្រឹះ និងកម្លាំងចលករសម្រាប់ការអភិវឌ្ឍប្រទេសជាតិ។
  សម័យប្រជុំវិសាមញ្ញលើកទី២ រដ្ឋសភាវៀតណាម នីតិកាលទី ១៥  

ថ្ងៃទី៦ ខែមករា ឆ្នាំ២០២៣ គឺជាថ្ងៃទី ២ នៃសម័យប្រជុំវិសាមញ្ញលើកទី២ រដ្ឋសភាវៀតណាម នីតិកាលទី ១៥ គណៈប្រតិភូបានពិភាក្សាជាក្រុមលើខ្លឹមសារមួយចំនួននៃសម័យប្រជុំ ក្នុងនោះមានបញ្ហារៀបចំផែនការមេថ្នាក់ជាតិដំណាក់កាល ២០២១-២០៣០ ចក្ខុវិស័យដល់ឆ្នាំ ២០៥០។

ក្នុងសម័យប្រជុំនេះ ប្រតិភូសុទ្ធតែបានសង្កត់ធ្ងន់ជាពិសេសលើសារៈសំខាន់នៃការកសាង សុក្រិត និងអនុវត្តន៍ផែនការមេថ្នាក់ជាតិដំណាក់កាលឆ្នាំ ២០២១-២០៣០ ចក្ខុវិស័យដល់ឆ្នាំ ២០៥០ ដើម្បីបង្កើតមូលដ្ឋានគ្រឹះ និងកម្លាំងចលករសម្រាប់ការអភិវឌ្ឍប្រទេសជាតិ។ លោក Hoang Van Cuong សមាជិកសភាមកពីទីក្រុងហាណូយបានចាត់ទុកថា៖  “សេចក្តីព្រាងផែនការមេថ្នាក់ជាតិគឺជាការអនុវត្តយុទ្ធសាស្ត្រអភិវឌ្ឍន៍ជាតិ ក៏ដូចជាការបែងចែកប្រភពកម្លាំងពលំសម្រាប់ការអភិវឌ្ឍវិស័យនានា និងតាមតំបន់អភិវឌ្ឍន៍។ សេចក្តីព្រាងក៏បានតម្រង់ទិសដៅយ៉ាងច្បាស់លាល់លើវិស័យសំខាន់ៗ ប៉ូលកំណើន និងច្រករបៀងសេដ្ឋកិច្ចដូចជា ខាងជើង-ខាងត្បូង ខាងកើត-ខាងលិច”។

ប្រតិភូបានឯកភាពជាមួយសេចក្ដីព្រាងផែនការមេថ្នាក់ជាតិ ដែលត្រូវបានរដ្ឋាភិបាលតាក់តែង និងដាក់ជូនរដ្ឋសភាក្នុងសម័យប្រជុំលើកនេះ។ ទោះជាយ៉ាងណាក៏ដោយ ប្រតិភូក៏បានស្នើឱ្យកសាង និងសុក្រិតផែនការមេតាមទិសដៅស្រាយបំភ្លឺបញ្ហាសំខាន់ៗមួយចំនួនដូចជា៖ ការទាញយក និងអភិវឌ្ឍសក្តានុពលដ៏ធំធេងនៃសេដ្ឋកិច្ចសមុទ្រ ការបន្សាំនឹងការប្រែប្រួលអាកាសធាតុ និងការអភិវឌ្ឍប្រកបដោយចីរភាព ព្រមទាំងការអភិវឌ្ឍវិទ្យាសាស្ត្រ បច្ចេកវិទ្យា និងធនធានមនុស្សសម្រាប់វិស័យនេះ។

ឈរលើមូលដ្ឋាននោះ ប្រតិភូជាច្រើនបានស្នើឱ្យសុក្រិត និងអនុវត្តន៍ផែនការមេថ្នាក់ជាតិដំណាក់កាល ២០២១-២០៣០ ចក្ខុវិស័យដល់ឆ្នាំ ២០៥០ ឲ្យបានឆាប់ៗ។ លោក Thach Phuoc Binh សមាជិកសភាមកពីខេត្ត Tra Vinh បានលើកសំណើថា៖ “ទន្ទឹមនឹងការអនុវត្តផែនការមេថ្នាក់ជាតិនេះ ខ្ញុំស្នើឲ្យរដ្ឋាភិបាល និងរដ្ឋសភាយកចិត្តទុកដាក់លើខ្លឹមសារមួយចំនួនដូចខាងក្រោម។ ទី១ ធ្វើវិសោធនលើបទប្បញ្ញត្តិ និងច្បាប់ឲ្យស្របតាមបទប្បញ្ញត្តិនៃច្បាប់រៀបចំផែនការមេ។ ទី២ ធានាការរៀបចំផែនការមេថ្នាក់ខេត្តឲ្យស៊ីសង្វាក់គ្នាជាមួយផែនការមេថ្នាក់ជាតិ និងថ្នាក់តំបន់ ក៏ដូចជាចំពោះផែនការមេលើវិស័យនានាក្នុងភូមិសាស្ត្រខេត្ត។ ទី៣ ស្នើឱ្យពន្លឿនការរៀបចំផែនការមេថ្នាក់ជាតិ ផែនការមេតាមវិស័យ ដើម្បីអនុវត្តន៍ផែនការមេថ្នាក់ខេត្តដោយព្រមៗគ្នា ធានាប្រសិទ្ធភាព និងវឌ្ឍនភាពផងដែរ”៕

តាម VOV5 - វិទ្យុសំឡេងវៀតណាម​

រដ្ឋមន្ត្រីការបរទេស លោក Bui Thanh Son៖ អាស៊ានត្រូវរក្សា ជំរុញការកសាងទំនុកចិត្ត និងសាមគ្គីភាព

រដ្ឋមន្ត្រីការបរទេស លោក Bui Thanh Son៖ អាស៊ានត្រូវរក្សា ជំរុញការកសាងទំនុកចិត្ត និងសាមគ្គីភាព

ថ្លែងមតិក្នុងសន្និសីទ លោករដ្ឋមន្ត្រី Bui Thanh Son បានសង្កត់ធ្ងន់ថា អាស៊ានចាំបាច់ត្រូវរក្សា និងជំរុញការកសាងទំនុកចិត្ត និងសាមគ្គីភាព ភាពជឿជាក់លើខ្លួនឯង ភាពបត់បែន ការសម្របខ្លួន ការពង្រឹងធនធានផ្ទៃក្នុង និងលើកកំពស់តួនាទីជាមជ្ឈភាពរបស់ខ្លួន។

Top