EU បែកបាក់គ្នាជុំវិញបញ្ហាទិដ្ឋាការសម្រាប់ពលរដ្ឋរុស្ស៊ី។ (រូបថត៖ AP)  

រុស្ស៊ីបាននាំចេញប្រតិកម្មនេះ បន្ទាប់ពីក្រុមប្រឹក្សាអឺរ៉ុបនាថ្ងៃដដែលបានអនុម័តជាផ្លូវការលើការសម្រេច ផ្អាកទាំងស្រុងនូវកិច្ចព្រមព្រៀងបង្កលក្ខណៈសម្រាប់ទិដ្ឋាការរវាង EU និងរុស្ស៊ី ដែលបានចុះហត្ថលេខាកាលពីឆ្នាំ ២០០៧។ ដែលតាមនោះ បទបញ្ញត្តិនានាទាក់ទងនឹងលេខកូដទិដ្ឋាការនឹងត្រូវបានអនុវត្តសម្រាប់ប្រជាពលរដ្ឋរុស្ស៊ី។ ប្រការនេះ នឹងបង្កឱ្យថ្លៃអាករស្នើសុំទិដ្ឋាការកើនឡើងពី ៣៥ អឺរ៉ូទៅ ៨០ អឺរ៉ូ ចំាបាច់ត្រូវបង្ហាញឯកសារបន្ថែម ពន្យារពេលវេលាដាក់ពាក្យសុំទិដ្ឋាការ ក៏ដូចជាអនុវត្តន៍ការរឹតត្បិតបន្ថែមទៀត ចំពោះការស្នើសុំទិដ្ឋាការច្រើនដង។ សេចក្តីសម្រេចនេះ នឹងចូលជាធរមានចាប់ពីថ្ងៃទី ១២ ខែកញ្ញា៕