បទល្មើសទាំង ៨ រួមមាន៖ ប្រតិបត្តិការដែលមានគោលបំណងផ្ដួលរំលំរដ្ឋាភិបាលប្រជាជន; ការបំផ្លិចបំផ្លាញមូលដ្ឋានសម្ភារៈ និងបរិក្ខារបច្ចេកទេសនៃសាធារណរដ្ឋសង្គមនិយមវៀតណាម; ការផលិត និងការជួញដូរទំនិញក្លែងក្លាយជាឱសថនិងថ្នាំបង្ការជំងឺ; ការដឹកជញ្ជូនដោយខុសច្បាប់នូវគ្រឿងញៀន (មាត្រា ២៥០); ការបំផ្លាញសន្តិភាព បង្កសង្គ្រាមឈ្លានពាន; ចារកម្ម; កិបកេងទ្រព្យសម្បត្តិ; ស៊ីសំណូក។
មុននោះ បង្ហាញរបាយការណ៍ស្តីពីការទទួលនិងពន្យល់មតិលើសេចក្តីព្រាងច្បាប់ធ្វើវិសោធនកម្ម និងបំពេញបន្ថែមមាត្រាមួយចំនួននៃក្រមច្បាប់ព្រហ្មទណ្ឌ រដ្ឋមន្ត្រីក្រសួងយុត្តិធម៌ លោក Nguyen Hai Ninh បានឲ្យដឹងថា៖ រដ្ឋាភិបាលបានស្នើឱ្យលុបចោលទោសប្រហារជីវិតចំពោះបទល្មើសចំនួន ៨ ដោយផ្អែកលើលក្ខណៈនិងភាពធ្ងន់ធ្ងរនៃបទល្មើស; សារៈសំខាន់នៃកម្មវត្ថុដែលត្រូវបានការពារ; សមត្ថភាពដោះស្រាយផលវិបាកដែលបណ្តាលមកពីបទល្មើស។ ដោយផ្អែកលើលទ្ធផលសង្ខេបនៃការអនុវត្តក្រមច្បាប់ព្រហ្មទណ្ឌ បទល្មើសជាច្រើនមានបទប្បញ្ញត្តិស្តីពីទោសប្រហារជីវិត ប៉ុន្តែមិនត្រូវបានអនុវត្តន៍ជាក់ស្តែងនាពេលកន្លងមក។ បទពិសោធន៍អន្តរជាតិក៏បង្ហាញថា បច្ចុប្បន្ន និន្នាការគឺកាត់បន្ថយទោសប្រហារជីវិតតាមបទប្បញ្ញត្តិរបស់ច្បាប់ ក៏ដូចជាការអនុវត្តន៍ជាក់ស្តែងគឺជារឿងធម្មតា។ ជាងនេះទៅទៀត ការកាត់បន្ថយចំនួនបទល្មើសដែលត្រូវកាត់ទោសប្រហារជីវិតនឹងរួមចំណែកយ៉ាងសំខាន់ក្នុងការលើកកម្ពស់ទំនាក់ទំនងកិច្ចសហប្រតិបត្តិការកាន់តែរឹងមាំ និងការជឿទុកចិត្តគ្នាទៅវិញទៅមក៕
