• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

រដ្ឋសភាពិភាក្សាអំពីពង្រាងសេចក្ដីសម្រេចចិត្តស្ដីពីគោលនយោបាយសារពើពន្ធ រូបិយវត្ថុ ដើម្បីជួយឧបត្ថម្ភដល់កម្មវិធីស្ដារ និងអភិវឌ្ឍន៍សេដ្ឋកិច្ច សង្គមឡើងវិញ

នាថ្ងៃទី៧ ខែមករា ឆ្នាំ២០២២ សម័យប្រជុំវិសាមញ្ញលើកដំបូង រដ្ឋសភាវៀតណាមនីតិកាលទី១៥ បានបើកកិច្ចភាពិភាក្សាពេញអង្គដើមដំបូង ស្ដីអំពីពង្រាងសេចក្ដីសម្រេចចិត្តស្ដីពីគោលនយោបាយសារពើពន្ធ រូបិយវត្ថុ ដើម្បីជួយឧបត្ថម្ភដល់កម្មវិធីស្ដារ និងអភិវឌ្ឍន៍សេដ្ឋកិច្ច សង្គមឡើងវិញ។
 

ទិដ្ឋភាពទូទៅនៃសម័យប្រជុំវិសាមញ្ញលើកដំបូង (រូបថត៖ quochoi.vn)


អង្គប្រជុំបានសម្ដែងការស្រុះចិត្តគំនិតចំពោះគោលការណ៍ចេញផ្សាយសេចក្ដីសម្រេចចិត្តស្ដីពីគោលនយោបាយសារពើពន្ធ និងរូបិយវត្ថុ ដើម្បីជួយឧបត្ថម្ភ ដល់កម្មវិធីស្ដារ និងអភិវឌ្ឍន៍សេដ្ឋកិច្ច សង្គមឡើងវិញ។ សមាជិការដ្ឋសភា លោកស្រី Vu Thi Luu Mai បានលើកមតិថា៖ “យើងទទួលយកការចំណាយលើសការកំណត់ ទទួលយកការខ្ចីប្រាក់កម្ចី ដើម្បីរយៈពេលក្រោយមកទទួលបានលទ្ធផលដ៏ធំធេងជាង ។ ដូច្នេះហើយ ប្រសិនបើយើងចំណាយទឹកប្រាក់ជាង ៣៤៦ លានលានដុងនោះ តើយើងអាចទទួលបានលទ្ធផលអ្វីខ្លះ យើងចាំបាច់ត្រូវកំណត់បញ្ហានេះឲ្យបានច្បាស់លាស់។ យើងនឹងធ្វើការបែងចែកថវិកាជាង ៣៤៦ លានលានដុងសម្រាប់គោលដៅផ្សេងៗគ្នា ដោយផ្ទាល់ និងប្រយោល ដូចជាពន្ធ និងការជួយឧបត្ថម្ភអត្រាការប្រាក់ ឲ្យសមស្របនឹងគោលការណ៍ជាក់លាក់ ចំពោះកញ្ចប់គោលនយោបាយនីមួយៗ។ ខ្ញុំគិតថា យើងចំបាច់ត្រូវផ្ដោតសំខាន់លើវិស័យដែលរងផលប៉ះពាល់យ៉ាងធ្ងន់ធ្ងរបំផុតដោយសារជំងឺរាតត្បាតកូវីដ ១៩ និងវិស័យដែលមានអត្ថន័យកំណើនដ៏សំខាន់ៗផងដែរ”។

កម្មវិធីស្តារ និងអភិវឌ្ឍន៍សេដ្ឋកិច្ចសង្គមឡើងវិញរបស់រដ្ឋាភិបាលដាក់ជូនរដ្ឋសភា គឺមានទឹកប្រាក់ជាង ៣៤៦ លានលានដុង ហើយត្រូវបានអនុវត្តន៍ក្នុងរយៈពេល ២ ឆ្នាំ ២០២២ - ២០២៣។ កម្មវិធីមានសារៈសំខាន់ពិសេសក្នុងការឆ្លើយតបនឹងជំងឺរាតត្បាតកូវីដ ១៩ ជំនះពុះពារលើផលវិបាក និងស្ដារ អភិវឌ្ឍន៍សេដ្ឋកិច្ចសង្គមប្រកបដោយចីរភាពឡើងវិញ៕

តាម VOV5  - វិទ្យុសំឡេងវៀតណាម

វៀតណាមខិតខំឱ្យមានបច្ចេកវិទ្យាជីវៈសាស្ត្រឈានមុខគេនៅអាស៊ី

វៀតណាមខិតខំឱ្យមានបច្ចេកវិទ្យាជីវៈសាស្ត្រឈានមុខគេនៅអាស៊ី

តាងនាមឱ្យការិយាល័យនយោបាយ អគ្គលេខាបក្សលោក Nguyen Phu Trong បានចុះហត្ថលេខា និងប្រកាសឱ្យប្រើសេចក្តីសម្រេចចិត្តលេខ ៣៦ ចុះថ្ងៃទី ៣០ ខែមករា ស្តីពីការអភិវឌ្ឍ និងការអនុវត្តបច្ចេកវិទ្យាជីវសាស្ត្រ ដើម្បីបម្រើការអភិវឌ្ឍប្រកបដោយចីរភាពរបស់ប្រទេសក្នុងស្ថានភាពថ្មី។

Top