អញ្ជើញថ្លែងមតិក្នុងពិធីបើកសម័យប្រជុំ ប្រធានរដ្ឋសភា លោក ត្រឹន ថាញ់ មិន បានសង្កត់ធ្ងន់ថា៖ “សម័យប្រជុំវិសាមញ្ញនេះ មានអត្ថន័យសំខាន់ណាស់ ដោយផ្តោតការពិចារណាលើបញ្ហាបន្ទាន់ និងសម្រេចលើបញ្ហាចាំបាច់ជាច្រើន ដើម្បីបម្រើដល់បដិវត្តន៍នៃការរៀបចំឡើងវិញ និងបង្រួមក្បាលម៉ាស៊ីនស្ថាប័ន ឆ្លើយតបនឹងតម្រូវការខ្ពស់របស់ប្រទេសជាតិក្នុងយុគសម័យថ្មី។ នេះជាបញ្ហាដែលកំពុងទទួលបានការឯកភាព និងការស្រុះចិត្តគំនិតខ្ពស់ពីបក្ខជននិងប្រជាជន ហើយក៏ជាការបង្កើតមូលដ្ឋានសម្រាប់ការងាររៀបចំកម្មាភិបាលនៅមហាសន្និបាតបក្សលើកទី ១៤ ការបោះឆ្នោតជ្រើសតាំងសមាជិក សមាជិការសភានីតិកាលទី១៦ និងក្រុមប្រឹក្សាប្រជាជនគ្រប់លំដាប់ថ្នាក់សម្រាប់អាណត្តិ ២០២៦-២០៣១។ លើសពីនេះ រដ្ឋសភាបានពិចារណា និងសម្រេចជាបន្ទាន់សម្រាប់ការដោះស្រាយបញ្ហាជំពាក់ជំពិនអំពីរបៀបរបប ជំរុញធនធាន និងបង្កើតលំហរអភិវឌ្ឍន៍ថ្មី ដើម្បីអនុវត្តប្រកបដោយជោគជ័យនូវគោលដៅដែលមហាសន្និបាតបក្សលើកទី១៣បានដាក់ចេញ”។
យោងតាមកម្មវិធីចាប់ពីថ្ងៃទី ១២ ដល់ថ្ងៃទី ១៩ ខែកុម្ភៈ រដ្ឋសភានឹងពិចារណា និងអនុម័តសេចក្តីព្រាងច្បាប់ និងសេចក្តីសម្រេចចិត្តជាច្រើន ដើម្បីរៀបចំក្បាលម៉ាស៊ីនរដ្ឋសភា និងរដ្ឋាភិបាលឡើងវិញ សម្រាប់រដ្ឋសភានីតិកាលទី ១៥។ រដ្ឋសភាក៏ពិចារណា និងអនុម័តដំណោះស្រាយ ដើម្បីដោះស្រាយការលំបាក និងឧបសគ្គភ្លាមៗ ជំរុញការអភិវឌ្ឍសេដ្ឋកិច្ចសង្គមរបស់ប្រទេសជាតិ ព្រមទាំងមានយន្តការ និងគោលនយោបាយជាក់ស្តែងសម្រាប់គម្រោង និងការងារមួយចំនួន។ នៅក្នុងសម័យប្រជុំនេះ រដ្ឋសភានឹងដឹកនាំការងារកម្មាភិបាលមួយចំនួនដែលស្ថិតនៅក្រោមអំណាចរបស់ខ្លួន។
“សមាជិកសមាជិការសភានឹងផ្តល់យោបល់ប្រកបដោយគុណភាព និងតម្លាភាព ដើម្បីឲ្យខ្លឹមសារទាំងអស់ក្នុងរបៀបវារៈនៃសម័យប្រជុំត្រូវបានពិចារណា និងអនុម័តដោយមានការឯកភាព និងការស្រុះចិត្តគំនិតខ្ពស់បំផុត បំពេញតម្រូវការជាក់ស្តែង និងភារកិច្ចនយោបាយ ដោយបំពេញតាមការរំពឹងទុករបស់អ្នកបោះឆ្នោត និងប្រជាពលរដ្ឋទូទាំងប្រទេស”។ នេះបើយោងតាមប្រសាសន៍របស់ប្រធានរដ្ឋសភា លោក ត្រឹន ថាញ់ មិន៕
