ប្រធានរដ្ឋសភាបានសង្កត់ធ្ងន់លើភាពចាំបាច់ក្នុងការយកចិត្តទុកដាក់ជាពិសេសលើការប្រមូលមតិប្រជាជនស្តីពីការធ្វើវិសោធនកម្មរដ្ឋធម្មនុញ្ញ; ទន្ទឹមនឹងនោះ ស្នើឲ្យរដ្ឋាភិបាល និងរណសិរ្សមាតុភូមិ អនុវត្តន៍ប្រកបដោយវិទ្យាសាស្ត្រ ប្រជាធិបតេយ្យ ជាក់ស្តែង បើកចំហ និងតម្លាភាព។
“ដោយសារតែវិសាលភាពនៃការធ្វើវិសោធនកម្មនិងបំពេញបន្ថែមលើរដ្ឋធម្មនុញ្ញមានកំណត់ ដែលគ្រោងនឹងពាក់ព័ន្ធដល់ប្រការចំនួន ៨/១២០ នៃរដ្ឋធម្មនុញ្ញឆ្នាំ ២០១៣ ដូច្នេះគណៈកម្មការអចិន្ត្រៃយ៍រដ្ឋសភានឹងដាក់ជូនរដ្ឋសភានូវទម្រង់ឯកសារជាសេចក្តីសម្រេចចិត្តរបស់រដ្ឋសភា ស្រដៀងគ្នាទៅនឹងអ្វីដែលបានអនុវត្តន៍ក្នុងការធ្វើវិសោធនកម្មនិងបំពេញបន្ថែមរដ្ឋធម្មនុញ្ញក្នុងឆ្នាំ ១៩៨៨ ១៩៨៩ និង២០០១។ យកចិត្តទុកដាក់ជាពិសេសលើការប្រមូលមតិពីប្រជាជនស្តីពីការធ្វើវិសោធនកម្មរដ្ឋធម្មនុញ្ញ (ចាប់ពីថ្ងៃទី ៦ ខែឧសភាដល់ថ្ងៃទី ៥ ខែមិថុនា)។ ស្នើឱ្យរដ្ឋាភិបាលនិងរណសិរ្សមាតុភូមិអនុវត្តន៍ប្រកបដោយវិទ្យាសាស្ត្រ ប្រជាធិបតេយ្យ បើកចំហជាសាធារណៈ តម្លាភាព និងយកចិត្តទុកដាក់ប្រមូលមតិយោបល់ពីសហគមន៍ប្រជាជន ស្របតាមច្បាប់ស្តីពីលទ្ធិប្រជាធិបតេយ្យនៅកម្រិតមូលដ្ឋាន”។
ប្រធានរដ្ឋសភាបានឲ្យដឹងថា រដ្ឋសភានឹងធ្វើវិសោធនកម្មលើខ្លឹមសារពាក់ព័ន្ធក្នុងច្បាប់ដូចជា៖ ច្បាប់ស្តីពីការរៀបចំរដ្ឋបាលថ្នាក់មូលដ្ឋាន ច្បាប់ស្តីពីការបោះឆ្នោតជ្រើសតាំងសមាជិកសភានិងសមាជិកក្រុមប្រឹក្សាប្រជាជន ច្បាប់ស្តីពីការរៀបចំតុលាការប្រជាជន ច្បាប់ស្តីពីការរៀបចំសណ្តាប់ធ្នាប់សាធារណៈ ច្បាប់ស្តីពីការរៀបចំស្ថាប័នស៊ើបអង្កេតព្រហ្មទ័ណ្ឌ ច្បាប់ស្តីពីកម្មាភិបាល ច្បាប់ស្តីពីការចេញផ្សាយឯកសារច្បាប់។ល។ ការធ្វើវិសោធនកម្មរដ្ឋធម្មនុញ្ញ បណ្តាច្បាប់និងសេចក្តីសម្រេចចិត្តពាក់ព័ន្ធ ត្រូវតែសុក្រឹត្យមុនថ្ងៃទី ៣០ ខែមិថុនា ឆ្នាំ ២០២៥ ហើយចូលជាធរមានចាប់ពីថ្ងៃទី ១ ខែកក្កដា ឆ្នាំ ២០២៥។
ប្រធានរដ្ឋសភាលោក ត្រិន ថាញ់មិន បានឲ្យដឹងថា ការបោះឆ្នោតសមាជិករដ្ឋសភានីតិកាលទី១៦ និងក្រុមប្រឹក្សាប្រជាជនគ្រប់លំដាប់ថ្នាក់ សម្រាប់អាណត្តិឆ្នាំ ២០២៦-២០៣១ គ្រោងនឹងប្រព្រឹត្តិទៅនៅថ្ងៃអាទិត្យ ទី១៥ ខែមីនា ឆ្នាំ ២០២៦។ នៅថ្ងៃទី៦ ខែមេសា ឆ្នាំ២០២៦ រដ្ឋសភាថ្មីនឹងបើកសម័យប្រជុំដំបូងរបស់ខ្លួន៕
