មហោស្រពបាញ់កាំជ្រួចផ្កាអន្តរជាតិ Da Nang ឆ្នាំ ២០២៣ (DIFF 2023) នឹងត្រូវ បានរៀបចំឡើងវិញ ក្រោយពីផ្អាកអស់រយៈពេល ៣ ឆ្នាំ ដោយសារការរីករាលដាលនៃ មេរោគ Covid-19។ DIFF 2023 ក៏ជាព្រឹត្តិការណ៍ស្នូលនៃកម្មវិធី "WOW Da Nang" ដែលជាផ្នែកមួយក្នុងយុទ្ធនាការផ្សព្វផ្សាយទេសចរណ៍ "WOW Vietnam" ដែលបំផុស ឡើងដោយសម្ព័ន្ធក្រុមហ៊ុន Sun Group នៅទូទាំងប្រទេស។

DIFF 2023 គ្រោងនឹងប្រព្រឹត្តទៅចាប់ពីថ្ងៃទី ៣ ខែមិថុនា ដល់ថ្ងៃទី ៨ ខែកក្កដា នៅទីកន្លែងបាញ់កាំជ្រួចផ្កាតាមមាត់ទន្លេ Han ដោយមានការចូលរួមពីក្រុមចំនួន ៨ រួមមាន អង់គ្លេស អ៊ីតាលី ប៉ូឡួញ បារាំង អូស្ត្រាលី កាណាដា ហ្វាំងឡង់ និងក្រុម Da Nang តំណាងឲ្យវៀតណាម។ ពិធីបើក DIFF 2023 គ្រោងនឹងប្រព្រឹត្តទៅនាយប់ថ្ងៃទី ៣ ខែមិថុនា ជាមួយនឹងការប្រកួតរវាងក្រុម វៀតណាម និងហ្វាំងឡង់។ ការប្រកួតវគ្គ ផ្ដាច់ព្រ័ត្រនឹងធ្វើឡើងនាយប់ថ្ងៃទី ៨ ខែកក្កដា។ DIFF 2023 មានប្រធានបទ "ពិភពលោកគ្មានគម្លាត" ដែលលើកតម្កើងការងើប ឡើងវិញយ៉ាងខ្លាំងក្លានៃទេសចរណ៍ពិភពលោកក្រោយពីជំងឺរាតត្បាត៕