ប្រភពព័ត៌មានក្នុងតំបន់បានឲ្យដឹងថា ភេរវករយ៉ាងហោចណាស់៦នាក់ រួមទាំងអ្នកស្រុកចំនួនពីរនាក់ ដែលបានទទួលការបណ្តុះបណ្តាលនៅប៉ាគីស្ថាន បានបែកជាពីរក្រុម ហើយបើកការបាញ់រះទៅលើហ្វូងភ្ញៀវទេសចរដែលប្រមូលផ្តុំគ្នាជុំវិញភោជនីយដ្ឋាន ជិះសេះ ឬដើរលេងកម្សាន្ត។ ក្រោយពីប្រព្រឹត្តបទល្មើស ភេរវករទាំងនេះបានរត់គេចខ្លួនពីកន្លែងកើតហេតុ។
រណសិរ្សតស៊ូ ដែលជាសាខាក្នុងតំបន់នៃក្រុមភេរវករ Laskhar-e-Taiba នៅប៉ាគីស្ថាន បានសារភាពទទួលខុសត្រូវចំពោះការវាយប្រហារនេះ។
នៅរសៀលថ្ងៃទី ២២ ខែមេសា ប្រធានាធិបតីឥណ្ឌា លោក Droupadi Murmu និងនាយករដ្ឋមន្ត្រី លោក Narendra Modi បានថ្កោលទោសយ៉ាងខ្លាំងចំពោះការវាយប្រហារនេះ; ស្នើឱ្យវិស័យសន្តិសុខឥណ្ឌាចាត់វិធានការសមស្របទាំងអស់ដើម្បីដាក់ទណ្ឌកម្មពួកភេរវជន។ លោក Modi បានសម្រេចចិត្តកាត់បន្ថយដំណើរទស្សនកិច្ចរបស់លោកទៅកាន់អារ៉ាប៊ីសាអូឌីត ហើយត្រឡប់មកប្រទេសវិញនៅយប់ថ្ងៃទី ២២ ខែមេសា ដើម្បីដោះស្រាយឧប្បត្តិហេតុនេះដោយផ្ទាល់៕
