ឧបនាយករដ្ឋមន្រ្តី លោក Vu Duc Dam អញ្ជើញថ្លែងក្នុងពិធី
នាថ្ងៃទី១៣ ខែតុលា ឆ្នាំ២០២០ នៅទីក្រុងហាណូយ សម្ព័ន្ធសមាគមនារីវៀតណាមបានបើកពិធីប្រគល់ពានរង្ថាន់ចាប់ផ្តើមអាជីវកម្មឆ្នាំ ២០២០ ក្រោមប្រធានបទ “ចាប់ផ្តើមអាជីវកម្មប្រកបដោយភាពច្នៃប្រឌិត - ការតភ្ជាប់ប្រកបដោយជោគ ជ័យ”។
អ្នកនិពន្ធចំនួន ៦៨ នាក់ដែលមានគម្រោងល្អៗ ជាពិសេសគឺគម្រោងចំនួន ២៣ របស់ស្ត្រីពិការ គម្រោងចំនួន ១០ របស់និស្សិតស្រី ត្រូវបានផ្តល់កិត្តិយសនៅក្នុងពិធីនេះ។ គម្រោងទាំងអស់នេះបានបង្ហាញពីការតភ្ជាប់រវាងអ្នកវិទ្យាសាស្ត្រ និងកសិករ ការតភ្ជាប់រវាងអ្នកផលិតនិងអ្នកប្រើប្រាស់ និងរវាងអ្នកផលិតក្នុងគំរូសេដ្ឋកិច្ច ក៏ដូចជាការផ្សារភ្ជាប់ជាមួយនឹងគោលដៅកាត់បន្ថយភាពក្រីក្រប្រកបដោយចីរភាពផងដែរ។
អញ្ជើញចូលរួមនិងថ្លែងក្នុងពិធី ឧបនាយករដ្ឋមន្រ្តី លោក Vu Duc Dam សង្ឃឹមថាតាមរយៈការប្រឡងនេះស្មារតីចាប់ផ្តើមអាជីវកម្ម នឹងត្រូវបានផ្សព្វផ្សាយពាសពេញប្រទេស ហើយនឹងមានសហគ្រិននិងសហគ្រាសជាច្រើនចាប់ផ្តើមអាជីវកម្ម ដើម្បីរួមចំណែកជំរុញការអភិវឌ្ឍប្រទេសជាតិ។ លោកឧបនាយករដ្ឋមន្រ្តីមានគោល បំណងថា នាពេលខាងមុខនេះ សម្ព័ន្ធសមាគមនារីវៀតណាមនឹងបន្តមានសកម្មភាពជាក់ស្តែងនិងសម្បូរបែបដើម្បីផ្តល់យោបល់និងជួយស្ត្រីឱ្យចាប់ផ្តើមអាជីវកម្ម ធ្វើជាអ្នកមានសម្រាប់ខ្លួនឯងនិងសហគមន៍។ ទន្ទឹមនឹងនោះ សមាជិកជាស្ត្រីម្នាក់ៗ ត្រូវការរៀនសូត្រយ៉ាងសកម្មក្នុងវិស័យជាច្រើន ដោយមានការតាំងចិត្តដូចគ្នាក្នុងការចាប់ផ្តើមអាជីវកម្ម៕
តាម VOV5 - វិទ្យុសំឡេងវៀតណាម
