សន្និសីទនេះ សំដៅផ្តោតសំខាន់លើការផ្លាស់ប្តូរ និងពិភាក្សាលើបញ្ហាដែលមានការយកចិត្តទុកដាក់ដូចគ្នា ស្នើឡើងគំនិតផ្តួចផ្តើមសំដៅពង្រឹង និងជំរុញកិច្ចសហប្រតិបត្តិការរវាងកងទ័ពជើងគោកនៃបណ្តាប្រទេសអាស៊ាន រួមគ្នាឆ្លើយតបទៅនឹងបញ្ហាប្រឈមផ្នែកសន្តិសុខរួម ជាពិសេសគឺទំនួលខុសត្រូវផ្នែកសន្តិសុខក្រៅប្រពៃណី ដើម្បីសន្តិភាព ស្ថិរភាព និងការអភិវឌ្ឍក្នុងតំបន់ ក៏ដូចជាពិភពលោក។
ក្នុងសន្និសីទនេះ គណៈប្រតិភូបានឯកភាពថា ដើម្បីបង្កើនប្រសិទ្ធភាពនៃកិច្ចសហប្រតិបត្តិការនាពេលខាងមុខ កងទ័ពជើងគោកនៃបណ្តាប្រទេសអាស៊ានគួរតែពង្រឹងសាមគ្គីភាពផ្ទៃក្នុង ចែករំលែកព័ត៌មាន និងជំរុញសកម្មភាពរួមគ្នាដើម្បីចែករំលែកគំនិត ផ្លាស់ប្តូរបទពិសោធន៍ ជំនាញ និងធនធានដើម្បីបង្កើតការឯកភាពគ្នាក្នុងបណ្តាប្រទេសអាស៊ាន រក្សាបាននូវបរិយាកាសសន្តិភាព និងស្ថិរភាពក្នុងតំបន់ រួមចំណែកដល់កិច្ចខិតខំប្រឹងប្រែងរួមគ្នារបស់សមាជិកអាស៊ានទាំងអស់ ដើម្បីសម្រេចបាននូវចក្ខុវិស័យសហគមន៍អាស៊ានឆ្នាំ ២០២៥ និងឆ្នាំបន្តបន្ទាប់ទៀត។
នៅចុងបញ្ចប់នៃសន្និសីទ វៀតណាមបានប្រគល់តួនាទីជាប្រធានសន្និសីទមេបញ្ជាការកងទ័ពជើងគោកអាស៊ានដល់ប្រទេសថៃ៕