កិច្ចប្រជុំថ្នាក់ដឹកនាំអាស៊ានបានបើកជាផ្លូវការ នៅរសៀលថ្ងៃទី ២៤ ខែមេសា នៅលេខាធិការដ្ឋានអាស៊ាននៅរដ្ឋធានីហ្សាការតានៃប្រទេសឥណ្ឌូនេស៊ី។
|
ទិដ្ឋភាពរួមនៃពិធីបើកកិច្ចប្រជុំថ្នាក់ដឹកនាំអាស៊ាន។ (រូបថត៖VNA) |
អញ្ជើញចូលរួមក្នុងកិច្ចប្រជុំនេះមានថ្នាក់ដឹកនាំនៃប្រទេសជាសមាជិកអាស៊ានទាំង ១០ រួមមាន ប្រ៊ុយណេ កម្ពុជា ឡាវ ម៉ាឡេស៊ី ហ្វីលីពីន សិង្ហបុរី ឥណ្ឌូនេស៊ី វៀតណាម ថៃនិង មេដឹកនាំយោធាមីយ៉ាន់ម៉ាគឺលោកឧត្តមសេនីយ៍ Min Aung Hlaing ។ តាមការគ្រោងទុក កិច្ចប្រជុំនឹងពិភាក្សានិងផ្តល់យោបល់លើដំណើរការកសាងសហគមន៍អាស៊ាន ការការពារជំងឺរាតត្បាតនិងកិច្ចខិតខំប្រឹងប្រែង ដើម្បីស្តារសេដ្ឋកិច្ច ទំនាក់ទំនងការទូតរបស់អាស៊ាននិងបញ្ហាក្នុងតំបន់ រួមទាំងវិបត្តិនៅក្នុងប្រទេសមីយ៉ាន់ម៉ាផងដែរ។
ដើម្បីធានាសន្តិសុខសម្រាប់កិច្ចប្រជុំនេះប្រទេសម្ចាស់ផ្ទះឥណ្ឌូណេស៊ីបានប្រមូលកម្លាំងប៉ូលីសចំនួន ៤៣៨២ នាក់ ចូលរួមក្នុងការការពារសន្តិសុខនៅ ៥១ កន្លែង នៅទូទាំងរដ្ឋធានីហ្សាកាតា រួមមាន ផ្លូវជាច្រើន អាកាសយានដ្ឋាននិងទីកន្លែងស្នាក់នៅរបស់គណៈប្រតិភូជាន់ខ្ពស់៕
ទីភ្នាក់ងារសាព័ត៌មានវៀតណាម