លោកនាយករដ្ឋមន្ត្រីនៃសាធារណរដ្ឋសង្គមនិយមវៀតណាម Pham Minh Chinh អញ្ជើញទទួលបដិសណ្ឋារកិច្ចស្វាគមន៍សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសដែលសម្តេចធិបតីអញ្ជើញមកបំពេញទស្សនកិច្ចជាផ្លូវការនៅប្រទេសវៀតណាម (រដ្ឋធានី Ha Noi ថ្ងៃទី ១១ ខែធ្នូ ឆ្នាំ ២០២៣)។ រូបថត៖ VNA

បន្ទាប់មក លោកនាយករដ្ឋមន្ត្រីនៃសាធារណរដ្ឋសង្គមនិយមវៀតណាម Pham Minh Chinh អញ្ជើញទទួលបដិសណ្ឋារកិច្ចស្វាគមន៍​សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា  ក្នុងឱកាសដែល​សម្តេចធិបតីអញ្ជើញ​មក​បំពេញទស្សនកិច្ចជាផ្លូវការនៅប្រទេសវៀតណាម (រដ្ឋធានី ​ Ha Noi ថ្ងៃទី ១១ ខែធ្នូ ឆ្នាំ ២០២៣)។

លោកនាយករដ្ឋមន្ត្រីនៃសាធារណរដ្ឋសង្គមនិយមវៀតណាម Pham Minh Chinh និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណា​ចក្រកម្ពុជា អញ្ជើញត្រួតពលកងកិត្តិយស ក្នុងពិធីបដិសណ្ឋរកិច្ចជាផ្លូវការ (រដ្ឋធានី Ha Noi ថ្ងៃទី១១ ខែធ្នូ ឆ្នាំ២០២៣) រូបថត៖ VNA

ក្នុង​ដំណើរបំពេញទស្សនកិច្ចលើកនេះ សម្ដេចធិបតី នឹងអញ្ជើញចូលជួបសម្តែងការគួរសមដាច់ដោយឡែកជាមួយ លោក Nguyen Phu Trong អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តវៀតណាម លោក Vo Van Thuong  ប្រធានរដ្ឋវៀតណាម និងលោក Vuong Dinh Hue ប្រធានរដ្ឋសភាវៀតណាម។ ទន្ទឹមនឹងនេះ សម្ដេចធិបតី ក៏នឹងអនុញ្ញាតឱ្យលោកស្រី Nguyen Thi Thanh ប្រធានសមាគមមិត្តភាពកម្ពុជា-វៀតណាម ព្រមទាំងថ្នាក់ដឹកនាំសម្ព័ន្ធយុវជនកុម្មុយនីស្ត ហូជីមិញ ចូលជួបសម្តែងការគួរសម និងពិភាក្សាការងារផងដែរ។

លោកនាយករដ្ឋមន្ត្រីនៃសាធារណរដ្ឋសង្គមនិយមវៀតណាម Pham Minh Chinh និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណា​ចក្រកម្ពុជា។ រូបថត៖ VNA

សម្ដេចធិបតី នឹងថ្លែងសុន្ទរកថាគន្លឹះស្តីពីគោលនយោបាយអភិវឌ្ឍន៍សេដ្ឋកិច្ច របស់រាជរដ្ឋាភិបាលកម្ពុជា និងទំនាក់ទំនងសេដ្ឋកិច្ចរវាងកម្ពុជា និងវៀតណាម នៅសាកលវិទ្យាល័យពាណិជ្ជកម្មអន្ដរជាតិ នៅរដ្ឋធានី Ha Noi។ 

សូម​បញ្ជាក់​ថា ទស្សនកិច្ចផ្លូវការរបស់ សម្ដេចធិបតី ទៅកាន់ប្រទេស​វៀតណាមនាពេលនេះ នឹងបង្ហាញ​ពីការធ្វើ​ឱ្យកាន់តែស៊ីជម្រៅនូវទំនាក់ទំនងដ៏យូរអង្វែង ឈរលើស្មារតី «ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរភាពយូរ​អង្វែង​រវាងកម្ពុជា និងវៀតណាម ដើម្បីផលប្រយោជន៍ទៅវិញទៅមកសម្រាប់ប្រជាជននៃប្រជាជាតិទាំងពីរ៕