សន្និសីទនេះមានការចូលរួមដោយគណៈប្រតិភូមកពីស្ថានទូតវៀតណាមប្រចាំនៅសហព័ន្ធរុស្ស៊ី ដឹកនាំដោយឯកអគ្គរដ្ឋទូត Dang Minh Khoi តំណាងមន្ទីរទេសចរណ៍ទីក្រុងម៉ូស្គូ រួមជាមួយគណៈប្រតិភូជាង ១៣០នាក់ តំណាងអង្គភាពអាជីវកម្មមកពីប្រទេសរុស្ស៊ី និងខេត្ត Khanh Hoa។ ប្រធានសមាគមទេសចរណ៍ Nha Trang – Khanh Hoa លោក Hoang Van Vinh បានឲ្យដឹងថា៖ “កម្មវិធីការងារទេសចរណ៍ខេត្ត Khanh Hoa នៅរុស្សីលើកនេះ មានគោលបំណងផ្សព្វផ្សាយទេសចរណ៍ នាំភ្ញៀវទេសចរណ៍ពីរុស្ស៊ីមកកាន់ខេត្ត Khanh Hoa និងនាំភ្ញៀវទេសចរវៀតណាមទៅកាន់រុស្ស៊ី។ សមាគមទេសចរណ៍ត្រូវធ្វើយ៉ាងណាដើម្បីបង្កើនចំនួនភ្ញៀវទេសចររុស្ស៊ីមកកាន់វៀតណាម ហើយផ្ទុយទៅវិញ បង្កើនភ្ញៀវទេសចរវៀតណាមទៅកាន់រុស្ស៊ី ដូចនៅមុនជំងឺរាតត្បាតកូវីដ-១៩”។
ទីក្រុង Nha Trang ខេត្ត Khanh Hoa គឺជាគោលដៅពិសេសសម្រាប់ភ្ញៀវទេសចរមកពីសហព័ន្ធរុស្ស៊ី ដែលស្រូបយក ៥០% នៃចំនួនភ្ញៀវទេសចរណ៍រុស្ស៊ីដែលមកវៀតណាម។ ប្រទេសទាំងពីរកំពុងជំរុញកិច្ចសហប្រតិបត្តិការទេសចរណ៍។ នាពេលថ្មីៗនេះ ប្រទេសវៀតណាមបានបន្តការសម្រេចលើកលែងទិដ្ឋាការទេសចរណ៍សម្រាប់រុស្ស៊ី។ ផ្ទុយទៅវិញ រដ្ឋាភិបាលរុស្ស៊ីបានអនុញ្ញាតឲ្យចេញទិដ្ឋាការអេឡិចត្រូនិកទៅឲ្យវៀតណាម។ ក្រុមហ៊ុនអាកាសចរណ៍ជាតិវៀតណាម ក៏សម្រេចរួចរាល់ការបន្តជើងហោះហើរត្រង់ទៅកាន់ទីក្រុងម៉ូស្គូឡើងវិញផងដែរ៕
