ក្នុងពេលជាមួយគ្នានោះ នៅរដ្ឋ Sao Paulo ជាកន្លែងដែលលោក Pele បានចាប់ ផ្តើមអាជីពរបស់ខ្លួន អាជ្ញាធរមូលដ្ឋានក៏បានសម្រេចចិត្តកាន់ទុក្ខ "ស្តេចបាល់ទាត់" ក្នុងរយៈពេល ៧ ថ្ងៃ ដើម្បីលើកតម្កើងរាល់ការរួមវិភាគទានរបស់លោក Pele ចំពោះ បាល់ទាត់ប្រេស៊ីល។

តាមការគ្រោងទុក ពិធីគោរពវិញ្ញាណក្ខន្ធកីឡាករបាល់ទាត់ដ៏មហិមារបំផុតក្នុងប្រវត្តិសាស្ត្រប្រេស៊ីល នឹងត្រូវបានរៀបចំឡើងនៅថ្ងៃទី ២ ខែមករា នៅពហុកីឡដ្ឋាន Vila Belmiro ដែលជាកីឡាដ្ឋានផ្ទះរបស់ក្លឹប Santos។ កីឡដ្ឋាននឹងបើកទ្វារឲ្យអ្នកគាំទ្រទាំងអស់ចូលគោរពវិញ្ញាណក្ខ័ន្ធ "ស្ដេចបាល់ទាត់"។ ពិធីបញ្ចុះសពរបស់លោក Pele នឹងប្រព្រឹត្តទៅនៅថ្ងៃទី ៣ ខែមករា នៅឈាបនដ្ឋាន Ecumenical Necropolis ក្នុងទីក្រុង Santos៕