លទ្ធផលនេះលើសពីការរំពឹងទុក សមស្របតាមគោលដៅរបស់រដ្ឋាភិបាល និងខ្ពស់ជាងការព្យាករណ៍របស់ស្ថាប័ន ហិរញ្ញវត្ថុអន្តរជាតិ។ ទិន្នន័យសេដ្ឋកិច្ចវិជ្ជមានបានរួមចំណែកដល់ការកែលម្អចំណាត់ថ្នាក់នៃទីផ្សារ ភាគហ៊ុនរបស់វៀតណាម ដែលឆ្លុះបញ្ចាំងពីទំនុកចិត្តរបស់វិនិយោគិនលើមូលដ្ឋានគ្រឹះសេដ្ឋកិច្ចរបស់ប្រទេសជាតិ។ ថ្មីៗនេះ FTSE Russell បានដំឡើងឋានៈវៀតណាមទៅជាទីផ្សារកំពុងរីកចម្រើនបន្ទាប់បន្សំ ដោយដាក់វៀតណាមនៅក្នុងចំណាត់ថ្នាក់ដូចគ្នានឹងទីផ្សារធំៗដូចជា ចិន ឥណ្ឌា ឥណ្ឌូនេស៊ី និងហ្វីលីពីន។

ប្រព័ន្ធផ្សព្វផ្សាយអន្តរជាតិបានចាត់ទុកថា អត្រាកំណើននៅក្នុងត្រីមាសទីបីបានឆ្លុះបញ្ចាំងពីការងើបឡើងវិញនៃការនាំចេញដ៏រឹងមាំជាងការរំពឹងទុករបស់វៀតណាម។ សន្ទុះកំណើនដ៏រឹងមាំបែបនេះគឺដោយសារការរួមបញ្ចូលគ្នានៃកត្តាជាច្រើន រួមទាំងការវិនិយោគបរទេសកើនឡើង ការ ងើបឡើងវិញនៃវិស័យទេសចរណ៍ និងការប្រើប្រាស់ក្នុងស្រុកយ៉ាងខ្លាំងក្លា។ ការផលិត និងការនាំចេញបានជួយវៀតណាមទប់ទល់នឹងការប្រែប្រួលរូបិយប័ណ្ណ និងភាពមិនប្រាកដប្រជាទូទាំងពិភពលោក។ ដោយសារអត្រាគ្មានការងារធ្វើទាប និងការចំណាយរបស់អ្នកប្រើប្រាស់មានស្ថេរភាព ប្រទេសវៀតណាមកំពុងបង្ហាញថា សេដ្ឋកិច្ចកំពុងរីកចម្រើននៅតែអាចរក្សាសន្ទុះកំណើនបាន ទោះបីជារូបិយប័ណ្ណស្ថិតនៅក្រោមសម្ពាធក៏ដោយ។

អង្គការ Citi Research ព្យាករណ៍ថា ផលិតផលក្នុងស្រុកសរុប (GDP) របស់វៀតណាមនឹងសម្រេចបាន ៨% ក្នុងឆ្នាំ ២០២៥ ដែលខ្ពស់ជាងការព្យាករណ៍ពីមុនរបស់ខ្លួន។ កត្តាជំរុញសំខាន់ៗរួមមាន៖ តម្រូវការក្នុងស្រុកកើនឡើង កំណែទម្រង់សំខាន់ៗនៅក្នុងហេដ្ឋារចនាសម្ព័ន្ធ និងឧបករណ៍រដ្ឋបាល និងការបង្កើនប្រសិទ្ធភាពដើមទុន៕