នារសៀលថ្ងៃទី១៣ ខែឧសភា ឆ្នាំ២០២២ ក្នុងជំនួបសន្ទនាជាមួយរដ្ឋមន្ត្រីក្រសួងការពារជាតិឥណ្ឌូនេស៊ីលោក Prabowo Subianto នៅទីក្រុងហាណូយ ប្រធានរដ្ឋវៀតណាមលោក Nguyen Xuan Phuc បានវាយតម្លៃខ្ពស់ចំពោះលទ្ធផលនៃកិច្ចពិភាក្សារវាងរដ្ឋមន្ត្រីការពារជាតិនៃប្រទេសទាំងពីរវៀតណាម និងឥណ្ឌូនេស៊ី ដោយស្នើថា ក្រសួងការពារប្រទេសនៃប្រទេសទាំងពីរគប្បីបង្កើនការពិគ្រោះយោបល់គ្នាទៅវិញទៅមក គាំទ្រគ្នាក្នុងវេទិកាពហុភាគី និងរក្សាជំហររួមរបស់អាស៊ានលើបញ្ហាក្នុងតំបន់ រួមទាំងបញ្ហាសមុទ្រខាងកើតផងដែរ។ លោកប្រធានរដ្ឋបានអះអាងថា វៀតណាមតែងតែយកចិត្តទុកដាក់យ៉ាងខ្លាំងចំពោះទំនាក់ទំនងរបស់ខ្លួនជាមួយឥណ្ឌូនេស៊ី ដែលជាដៃគូយុទ្ធសាស្ត្រឈានមុខគេក្នុងតំបន់។ វៀតណាមសន្យាគាំទ្រឥណ្ឌូណេស៊ីទទួលជោគជ័យក្នុងតួនាទីជាប្រធានអាស៊ាននៅឆ្នាំ២០២៣ ហើយសង្ឃឹមថា ឥណ្ឌូនេស៊ីនឹងរួមចំណែកយ៉ាងសកម្មក្នុងការកសាងសហគមន៍អាស៊ានរួបរួមនិងអភិវឌ្ឍន៍៕
