ប្រធានរដ្ឋសភាវៀតណាម លោកស្រី Nguyen Thi Kim Ngan ទទួលជួបជាមួយនាយកធនាគាពិភពលោកប្រចាំនៅវៀតណាម
នារសៀលថ្ងៃទី១១ ខែវិច្ឆិកា ឆ្នាំ២០១៩ នៅវិមានរដ្ឋសភា ប្រធានរដ្ឋសភាវៀតណាម លោកស្រី Nguyen Thi Kim Ngan បានអញ្ជើញទទួលជួបជាមួយនាយកធនាគារពិភព លោក (WB) ប្រចាំនៅវៀតណាម លោក Ousmane Dione។
ក្នុងជំនួបនេះ ប្រធានរដ្ឋសភា លោកស្រី Nguyen Thi Kim Ngan បានវាយតម្លៃខ្ពស់ចំពោះតួនាទីរបស់ធនាគារពិភពលោកក្នុងកិច្ចសហប្រតិបត្តិការលើគ្រប់ជ្រុងជ្រោយជាមួយវៀតណាម ដែលបានចូលរួមវិភាគទានជាច្រើនដល់ការអភិវឌ្ឍន៍របស់វៀត ណាមក្នុងរយៈពេលប៉ុន្មានឆ្នាំកន្លងមកនេះ។ លោកស្រីប្រធានរដ្ឋសភាបានជឿជាក់ ថា ធនាគារពិភពលោកនឹងបន្តចូលរួមជាមួយរដ្ឋសភាវៀតណាម ក្នុងការអភិវឌ្ឍនិងឃ្លាំមើលការអនុវត្តគោលនយោបាយសម្រាប់តំបន់ជនជាតិភាគតិចផងដែរ។
ចំណែកឯលោក Ousmane Dione បានមានប្រសាសន៍ថា ប្រទេសវៀតណាមនឹងក្លាយជាគំរូមួយសម្រាប់ប្រទេសកំពុងអភិវឌ្ឍន៍ និងអាចសម្រេចបានគោលដៅនៃការអភិវឌ្ឍន៍ គ្របដណ្តប់សម្រាប់ប្រជាជនទាំងអស់។
នាពេលនេះ ប្រធានរដ្ឋសភាលោកស្រី Nguyen Thi Kim Ngan និងលោកនាយក WB ប្រចាំនៅវៀតណាម Ousmane Dione បានធ្វើការផ្លាស់ប្តូរនូវបញ្ហាមួយចំនួន ទាក់ទងនឹងការបំពេញក្របខ័ណ្ឌច្បាប់ស្តីពីការកសាងទីផ្សារភាគហ៊ុន អភិវឌ្ឍន៍ទីផ្សារមូលធននិងជំរុញកិច្ចសហប្រតិបត្តិការក្នុងទម្រង់ជា ដៃគូសាធារណៈ - ឯកជន ក៏ដូចជាលើកឡើងនូវបញ្ហា ដែលត្រូវដោះស្រាយ សម្រាប់ការអភិវឌ្ឍប្រកបដោយចីរភាព នៃតំបន់ដីសណ្ដទន្លេ Cuu Long ជាដើម៕
តាម VOV5 - វិទ្យុសំឡេងវៀតណាម