• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ប្រធានរដ្ឋសភាកូរ៉េខាងត្បូង Kim Jin Pyo បញ្ចប់ដំណើរទស្សនកិច្ចផ្លូវការនៅវៀតណាម

នាព្រឹកថ្ងៃទី១៨ ខែមករា នៅទីក្រុងហាណូយ ប្រធានរដ្ឋសភានៃសាធារណរដ្ឋកូរ៉េ ខាងត្បូងលោក Kim Jin Pyo និងភរិយា ព្រមទាំងគណៈប្រតិភូជាន់ខ្ពស់រដ្ឋសភានៃសាធារណរដ្ឋកូរ៉េខាងត្បូង បានចាកចេញពីទីក្រុងហាណូយ បញ្ចប់ដោយជោគជ័យដំណើរទស្សនកិច្ចជាផ្លូវការនៅវៀតណាម តបតាមការអញ្ជើញរបស់ប្រធានរដ្ឋសភា លោក Vuong Dinh Hue ចាប់ពីថ្ងៃទី ១២-១៨ ខែមករា។
រធានរដ្ឋសភាកូរ៉េខាងត្បូងលោក Kim Jin Pyo និងអគ្គលេខាបក្ស លោក Nguyen Phu Trong។ រូបថត៖  VNA

ក្នុងក្របខ័ណ្ឌនៃដំណើរទស្សនកិច្ចនេះ ប្រធានរដ្ឋសភាកូរ៉េខាងត្បូងលោក Kim Jin Pyo និងសមាជិកនៃគណៈប្រតិភូបានអញ្ជើញចូលជួបសម្តែងការគួរសមអគ្គលេខាបក្ស លោក Nguyen Phu Trong; ជួបសវនាការជាមួយនាយករដ្ឋមន្ត្រី Pham Minh Chinh; ជួបពិភាក្សាជាមួយប្រធានរដ្ឋសភា លោក Vuong Dinh Hue។

នៅក្នុងបណ្តាជំនួបពិភាក្សា   ប្រធានរដ្ឋសភាកូរ៉េខាងត្បូងបានសម្តែងនូវក្តីសង្ឃឹមថា ភាគីទាំងពីរនឹងបន្តជំរុញសមិទ្ធិផលនានាក្នុងទំនាក់ទំនងទ្វេភាគីលើវិស័យនយោបាយ សេដ្ឋកិច្ច វប្បធម៌ និងការផ្លាស់ប្តូរប្រជាជន សន្តិសុខ ការពារជាតិ; អះអាងថា កូរ៉េខាងត្បូងតែងតែយកចិត្តទុកដាក់យ៉ាងខ្លាំងចំពោះឋានៈរបស់វៀតណាមក្នុងយុទ្ធសាស្ត្រ និងគំនិតផ្តួចផ្តើមថ្មីជាមួយតំបន់ រួមទាំងគំនិតផ្តួចផ្តើមសាមគ្គីភាពកូរ៉េខាងត្បូង - សមាគមប្រជាជាតិអាស៊ីអាគ្នេយ៍ (អាស៊ាន)។ ប្រធានរដ្ឋសភាកូរ៉េខាងត្បូងបានអះអាងថា នឹងបន្តរួមចំណែកធ្វើឱ្យទំនាក់ទំនងរវាងប្រទេសទាំងពីរមានការរីកចម្រើនជាបន្តបន្ទាប់ និងប្រកបដោយប្រសិទ្ធភាពក្នុងរយៈពេល៣០ឆ្នាំខាងមុខ។

ក្នុងដំណើរទស្សនកិច្ចនេះដែរ ប្រធានរដ្ឋសភាកូរ៉េខាងត្បូងលោក Kim Jin Pyo ភរិយា និងគណៈប្រតិភូជាន់ខ្ពស់រដ្ឋសភាកូរ៉េខាងត្បូង បានអញ្ជើញទៅទស្សនាទីក្រុងហូជីមិញ ខេត្ត Ninh Binh ទីក្រុង Hai Phong ផងដែរ៕

តាម​ VOV5 - វិទ្យុសម្លេងវៀតណាម

ប្រធានរដ្ឋវៀតណាមលោក To Lam ទទួលជួបប្រធានរណសិរ្សឡាវកសាងជាតិ

ប្រធានរដ្ឋវៀតណាមលោក To Lam ទទួលជួបប្រធានរណសិរ្សឡាវកសាងជាតិ

ក្នុងក្របខ័ណ្ឌនៃដំណើរទស្សនកិច្ចផ្លូវរដ្ឋនៅប្រទេសឡាវ នារសៀលថ្ងៃទី ១១ កក្កដា នៅទីក្រុងវៀងច័ន្ទ ប្រធានរដ្ឋវៀតណាមលោក To Lam បានអញ្ជើញទទួលជួប ប្រធានរណសិរ្សឡាវកសាងជាតិ លោក Sinlavong Khoutphaythone។

Top