មុននឹងបញ្ចប់ដំណើរទស្សនកិច្ចនេះ នាព្រឹកថ្ងៃទី២២ ខែធ្នូ នៅរាជធានីភ្នំពេញ ប្រធានរដ្ឋវៀតណាម លោក Nguyen Xuan Phuc បានជួបសំណេះសំណាលជាមួយសហគមន៍ធុរកិច្ចវៀតណាមនិងសហគ្រាសរបស់ប្រជាជនខ្មែរដើមកំណើតវៀតណាម ដែលកំពុងវិនិយោគនិងធ្វើអាជីវកម្មនៅកម្ពុជា។

ពិធីជូនដំណើរលោកប្រធានរដ្ឋ  Nguyen Xuan Phuc នៅអាកាសយាន្តដ្ឋានអន្តរជាតិពោធិ៍ចិនតុង (រូបថត៖ TTXVN)

នារសៀលថ្ងៃទី ២២ ខែធ្នូ តាមម៉ោងនៅទីក្រុងហាណូយ ប្រធានរដ្ឋវៀតណាម លោក Nguyen Xuan Phuc និងគណៈប្រតិភូជាន់ខ្ពស់វៀតណាម បានវិលត្រឡប់មកទីក្រុងហាណូយវិញ បញ្ចប់ប្រកបដោយល្អប្រសើរនូវដំណើរទស្សនកិច្ចផ្លូវរដ្ឋនៅព្រះរាជាណាចក្រកម្ពុជា តបតាមការអញ្ជើញរបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី។

មុននឹងបញ្ចប់ដំណើរទស្សនកិច្ចនេះ នាព្រឹកថ្ងៃទី២២ ខែធ្នូ នៅរាជធានីភ្នំពេញ ប្រធានរដ្ឋវៀត ណាម លោក Nguyen Xuan Phuc បានជួបសំណេះសំណាលជាមួយសហគមន៍ធុរកិច្ចវៀតណាមនិងសហគ្រាសរបស់ប្រជាជនខ្មែរដើមកំណើតវៀតណាម ដែលកំពុងវិនិយោគនិងធ្វើអាជីវកម្មនៅកម្ពុជា។ នៅទីនេះ លោកប្រធានរដ្ឋបានវាយតម្លៃខ្ពស់ចំពោះរលកវិនិយោគថ្មីរបស់វៀតណាម ដែលផ្តោត លើវិស័យនិរន្តរភាព ដូចជា ដាំដើមឈើហូបផ្លែសម្រាប់ការនាំចេញនិងថាមពលស្អាតនៅកម្ពុជា។ បើតាមលោកប្រធានរដ្ឋ ធុរកិច្ចវៀតណាមត្រូវពង្រឹងទាំងទំហំនិងគុណភាពវិនិយោគនៅកម្ពុជា ដោយជំរុញរលកវិនិយោគថ្មីនៅកម្ពុជា ជាពិសេសលើវិស័យដែលមានសក្តានុពលដូចជាអចលនទ្រព្យ សំណង់ កសិកម្ម លក់រាយ ទេសចរណ៍ និងកម្សាន្តជាដើម៕

តាម VOV5 - វិទ្យុសម្លេងវៀតណាម