PP២៣ មានសមាជិកជិត ១.៥០០ នាក់មកពីសហរដ្ឋអាមេរិកនិងប្រទេសដៃគូមួយចំនួនទៀតដូចជា៖ អូស្ត្រាលី កាណាដា ឈីលី ជប៉ុន កូរ៉េខាងត្បូង នូវែលសេឡង់ និងអង់គ្លេស។ ក្នុងពិធីបើកនេះ លោកស្រី Susan Burns អគ្គកុងស៊ុលអាមេរិកប្រចាំទីក្រុងហូជីមិញបានសង្កត់ធ្ងន់ថា វៀតណាមគឺជាទីបង្អង់ដំណើរដំបូងគេក្នុងកម្មវិធីភាពជាដៃគូប៉ាស៊ីហ្វិកឆ្នាំ ២០២៣ ដោយសារតែសារៈសំខាន់ជាយុទ្ធសាស្ត្ររបស់វៀតណាមនៅមហាសមុទ្រឥណ្ឌូ-ប៉ាស៊ីហ្វិក។ កម្មវិធីឆ្នាំនេះបានឆ្លុះបញ្ចាំងពីស្មារតីនៃការគាំទ្រគ្នាទៅវិញទៅមកនិងកិច្ចសហប្រតិបត្តិការរវាងវៀតណាមនិងអាមេរិក ដែលបានរួមចំណែកអភិវឌ្ឍន៍ទំនាក់ទំនងភាពជាដៃគូទ្វេភាគីក្នុងរយៈពេល២៨ឆ្នាំចាប់តាំងពីប្រទេសទាំងពីរបានបង្កើតទំនាក់ទំនងការទូត (១៩៥-២០២៣) និងរយៈពេល ១០ឆ្នាំនៃទំនាក់ទំនងភាពជាដៃគូលើគ្រប់ជ្រុងជ្រោយរវាងអាមេរិកនិងវៀតណាម (២០១៣-២០២៣)។ ទំនាក់ទំនងរវាងប្រទេសទាំងពីរកាន់តែរីកចម្រើនជាងពេលណាៗទាំងអស់ ដែលត្រូវបានកសាងដោយទំនុកចិត្ត ការគោរពគ្នាទៅវិញទៅមក និងការប្តេជ្ញាចិត្តយ៉ាងជ្រាលជ្រៅរបស់អាមេរិកចំពោះប្រទេសវៀតណាមដ៏រឹងមាំ វិបុលភាព ស្វ័យភាព និងឯករាជ្យ។
នៅខេត្ត Phu Yen កម្មវិធីបានសាងសង់ ឬជួសជុលសាលារៀន ស្ថានីយ៍សុខាភិបាល មណ្ឌលសហគមន៍ ទីជម្រកខ្យល់ព្យុះ និងប្រព័ន្ធទឹកសាបផងដែរ។ កម្មវិធីនេះបានប្រព្រឹត្តិទៅរហូតដល់ថ្ងៃទី ១៨ ខែសីហា៕
