ពិធីករ John Oliver មានការចាប់អារម្មណ៍យ៉ាងខ្លាំងចំពោះបទចម្រៀង “Ghen Co Vy”  
 

MV បទចម្រៀង “Ghen Co Vy”  ដែលជាបទចម្រៀងដើម្បីឃោសនាការ ការបង្ការទប់ទល់ Covid-19 របស់​ក្រសួង​សុខាភិបាល​វៀតណាម ដែលសម្តែងដោយតារាចម្រៀងវៀតណាម Min, Erik និងតន្ត្រីករ Khac Hung មកំ​ពុង​ធ្វើ​អោយទស្សនិកជន មិនត្រឹមតែក្នុងស្រុកប៉ុណ្ណោះទេ ថែមទាំងអន្តរជាតិទៀតផង បានចាប់​អារម្មណ៍​យ៉ាង​ខ្លាំង​ផងដែរ។

បទ​ចំរៀងនេះ ត្រូវបានគេចាត់ទុក ថាជាគំរូ ក្នុងការផ្សព្វផ្សាយព័ត៌មានអំពីការបង្ការ និងទប់ស្កាត់ជំងឺរាត ត្បាត​ ដល់ប្រជាជន តាមរយៈតន្រ្តី ដែលបានរួមចំណែក ក្នុងការផ្សព្វ ផ្សាយ ដល់សហគមន៍ថា ចូរយើង​ទាំង​អស់​គ្នា ​ត្រូវអនុវត្តរាល់ទម្លាប់បង្ការជំងឺនិងរីកសាយ​ភាយ​ប្រការល្អប្រសើរបំផុត ដើម្បីយក​ឈ្នោះលើ​ជំងឺ​រាត​ត្បាត​។
 
សូម​រំលឹកថា នាថ្ងៃទី ១ ខែមិនានេះ MV បទចម្រៀង “Ghen Co Vy”  បាន​លេច​ឡើង​លើ​កញ្ចក់​ទូរទស្សន៍​អាមេរិក​នៅក្នុង​កម្មវិធី “Last Week Tonight With John Oliver” ដែលជាកម្មវិធីមួយ​ដែលមាន​ឥទ្ធិពល​បំផុត​របស់​អាមេរិក​។ ពិធីករដ៏ល្បីឈ្មោះ លោក John Oliver បានស្ងើចសរសើរបទចម្រៀងនេះ ហើយបាននិយាយថា បទចម្រៀង​ “Ghen Co Vy”  បានក្លាយជាបាតុភូតសង្គម ដែលទាក់ទាញយុវវ័យឱ្យថតវីដេអូនិងរាំកំដរតាម បទភ្លេង។ ទស្សនិកជ​នជាច្រើនបានចែករំលែកថាពួកគេចូលចិត្តក្បាច់រាំ “viral” ក្នុងបទចម្រៀង ដែលត្រូវ​បាន​ចាក់​​ផ្សាយនៅកម្មវិធី Late Week Tonight ផងដែរ។ សូម្បីតែ ទស្សនាវដ្តី Billboard ក៏បានកោតសរសើរ ចំពោះ ​“Ghen Co Vy”  ដោយបានវាយតម្លៃថា បទចំរៀង​នេះពិត​ជា​គួរឱ្យ​ចាប់​អារម្មណ៍​និង​គួរ​ឱ្យ​ចង់​ស្តាប់​ណាស់​ដែរ​៕
 

តាម VOV5 - វិទ្យុសំឡេងវៀតណាម​