ខេត្ត Hai Duong បានដាក់ឲ្យដំណើរការមន្ទីរពេទ្យបណ្ដោះអាសន្នចំនួន២ ដែលកំពុងព្យាបាលសម្រាប់អ្នកជម្ងឺ Covid-19 ចំនួន១៥៣នាក់ ហើយនឹងបង្កើតមន្ទីរពេទ្យបណ្ដោះអាសន្នទី៣យ៉ាងឆាប់ៗ។

នៅចំពោះមុខការវិវឌ្ឍយ៉ាងស្មុគស្មាញនៃជម្ងឺ Covid-19 ក្នុងអំឡុងពេលចាប់ពីថ្ងៃទី៣០ដល់ថ្ងៃទី៣១ មករា ខេត្ត Hai Duong ខេត្ត Quang Ninh និងតំបន់មូលដ្ឋានផ្សេងៗជាច្រើនរបស់វៀតណាមបាននិងកំពុងប្រញាប់ប្រញាល់តាមរកស្លាកស្នាម កំណត់តំបន់កើតមានជម្ងឺ និងធ្វើចត្តាឡីស័កភ្លាមៗចំពោះករណីឆ្លងវីរុស។ ខេត្ត Hai Duong បានដាក់ឲ្យដំណើរការមន្ទីរពេទ្យបណ្ដោះអាសន្នចំនួន២ ដែលកំពុងព្យាបាលសម្រាប់អ្នកជម្ងឺ Covid-19 ចំនួន១៥៣នាក់ ហើយនឹងបង្កើតមន្ទីរពេទ្យបណ្ដោះអាសន្នទី៣យ៉ាងឆាប់ៗ។ ទីក្រុងហាណូយបានបញ្ជាណែនាំឲ្យរៀបចំថ្នាក់ សិក្សាតាមប្រព័ន្ធអនឡាញក្នុងអំឡុងពេលប្រយុទ្ធប្រឆាំងនឹងជម្ងឺ Covid-19។ មន្ទីរសុខាភិបាលខេត្ត Ninh Binh បានបង្កើតក្រុមត្រួតពិនិត្យជាច្រើន ដើម្បីឃ្លាំមើលការអនុវត្តវិធានការបង្ការ ប្រយុទ្ធប្រឆាំងនឹងជម្ងឺរាតត្បាតនៅតាមមូលដ្ឋានសុខាភិបាល និងមណ្ឌលចត្តាឡីស័កក្នុងតំបន់៕

តាម VOV5 - វិទ្យុសំឡេងវៀតណាម