នារសៀលថ្ងៃទី៨ ខែកក្តដា ឆ្នាំ២០១៨ នៅរដ្ឋធានីហាណូយ អញ្ជើញទទួលជួបជាមួយរដ្ឋមន្ត្រីការបរទេសអាមេរិក លោក Mike Pompeo  ដែលមកបំពេញទស្សនកិច្ចជាផ្លូវការនៅវៀតណាម អគ្គលេខាបក្សកុម្មុយនិស្តវៀតណាមលោក Nguyen Phu Trong បានស្នើថាភាគីទាំងពីរបន្តបង្កើនការផ្លាស់ប្តូរគណៈប្រតិភូគ្រប់ជាន់ថ្នាក់ រួមទាំងជម្រុញនិងលើកកម្ពស់ប្រសិទ្ធភាពនៃកិច្ចសហប្រតិបត្តិការលើគ្រប់វិស័យ។

 អគ្គលេខាបក្សកុម្មុយនិស្តវៀតណាមលោក Nguyen Phu Trong អញ្ជើញជូបពិភាក្សាជាមួយរដ្ឋមន្ត្រីការបរទេសអាមេរិក លោក Mike Pompeo

លោក Nguyen Phu Trong បានអះអាងទៀតថា វៀតណាមយកចិត្តទុកដាក់ យ៉ាងខ្លាំងចំពោះទំនាក់ទំនងជាមួយអាមេរិក ហើយជឿជាក់ថាទំនាក់ទំនងភាជាដៃគូលើគ្រប់វិស័យរវាងវៀតណាមនិងអាមេរិកនឹងបន្តអភិវឌ្ឍន៍កាន់តែល្អ ប្រសើរនាពេលអនាគតដើម្បីផលប្រយោជន៍របស់ប្រជាជននៃប្រទេសទាំងពីរ ដើម្បីសន្តិភាព​ស្ថិរភាពនិងការអភិវឌ្ឍក្នុងតំបន់និងនៅលើពិភពលោកផងដែរ។

រីឯខ្លួនវិញ លោក Mike Pompeo បានអះអាងថា អាមេរិកមានគោលបំណងចង់ពង្រឹងថែមទៀតនូវកិច្ចសហប្រតិបត្តិការលើគ្រប់វិស័យជាមួយវៀតណាមហើយ អាមេរិកនឹងបន្តជួយឧបត្ថម្ភដល់វៀតណាមក្នុងការជំនះ​ពុះ​ពារ​រាល់ផលវិបាកនៃសង្គ្រាម។ទន្ទឹមនេះអាមេរិកនឹងគាំទ្រចំពោះសេរីភាពនាវាចរណ៍ដោះស្រាយរាល់ជំលោះនិងវិវាទនៅសមុទ្រខាងកើតដោយសន្តិវិធីនិងឈរលើមូលដ្ឋានច្បាប់អន្តរជាតិផងដែរ៕

តាម VOV5 - វិទ្យុសម្លេងវៀតណាម