លោក Nguyen Ngoc Luong ប្រធានសហភាពសហព័ន្ធយុវជនវៀតណាម និងលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា ចុះហត្ថលេខាលើកិច្ចព្រមព្រៀងសហប្រតិបត្តិការដំណាក់កាល ២០២២ - ២០២៧។ (រូបថត៖ VNA)
ប្រធានសហភាពសហព័ន្ធយុវជនវៀតណាម លោក Nguyen Ngoc Luong បាន ស្នើខ្លឹមសារមួយចំនួន ដើម្បីលើកកំពស់ប្រសិទ្ធភាពនៃកិច្ចសហប្រតិបត្តិការរវាង យុវជននៃប្រទេសទាំងពីរនាពេលខាងមុខ រួមទាំងការផ្លាស់ប្ដូរគណៈប្រតិភូជាន់ខ្ពស់ ជំនួបប្រាស្រ័យមិត្តភាពយុវជន; បង្កើនការងារអប់រំយុវជនអំពីទំនាក់ទំនងភាពជាអ្នក ជិតខាងល្អ មិត្តភាពប្រពៃណី កិច្ចសហប្រតិបត្តិការគ្រប់ជ្រុងជ្រោយ រឹងមាំយូរអង្វែង រវាងប្រទេសទាំងពីរ។
ចំណែកឯលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានឯកភាពចំពោះសំណើស្ដីអំពីកិច្ចសហប្រតិបត្តិការយុវជន ជាពិសេសកិច្ចសហប្រតិ បត្តិការរវាងខេត្តជាប់ព្រំដែននៃប្រទេសទាំងពីរ។ ទន្ទឹមនឹងនោះ លោកបានស្នើឲ្យពង្រីកវិស័យសហប្រតិបត្តិការរវាងកុមារវៀតណាម និងកម្ពុជាផងដែរ។
ក្នុងឱកាសនេះ សហភាពសហព័ន្ធយុវជននៃប្រទេសទាំងពីរបានចុះហត្ថលេខា លើកិច្ចព្រមព្រៀងសហប្រតិបត្តិការដំណាក់កាល ២០២២ - ២០២៧៕
