នាយករដ្ឋមន្ត្រី លោក ហ្វាម មិញ ជិញ អញ្ជើញទទួលជួបលោកស្រី ចម និម្មល រដ្ឋមន្ត្រីក្រសួងពាណិជ្ជកម្មកម្ពុជា និងមន្ត្រីជាន់ខ្ពស់ក្រសួងពាណិជ្ជកម្មកម្ពុជា ក្នុងដំណើរបំពេញទស្សនកិច្ចការងារនៅវៀតណាម (រូបថត៖ Lai Hoa/VOV)

នៅទីនេះ នាយករដ្ឋមន្ត្រី លោក ហ្វាម មិញ ជិញ បានចាត់ទុកថា កិច្ចព្រមព្រៀងជំរុញពាណិជ្ជកម្មទ្វេភាគីរវាងរដ្ឋាភិបាលវៀតណាមនិងរាជរដ្ឋាភិបាលកម្ពុជា ដំណាក់កាល ២០២៥ - ២០២៦ គឺជាឯកសារច្បាប់ដ៏សំខាន់ បង្កលក្ខណៈងាយស្រួលសម្រាប់ពាណិជ្ជកម្មតាមរយៈពន្ធគយអនុគ្រោះ ទាញយកការបំពេញបន្ថែមនៃសេដ្ឋកិច្ចទាំងពីរ បង្កើនការតភ្ជាប់ខ្សែសង្វាក់ផ្គត់ផ្គង់ បង្កើតមូលដ្ឋានសម្រាប់ប្រទេសទាំងពីរសម្រេចបានគោលដៅនាំពាណិជ្ជកម្មទ្វេភាគីឡើងដល់ ២០ពាន់លានដុល្លារអាមេរិកនាពេលខាងមុខ។ លោកនាយករដ្ឋមន្ត្រីបានស្នើឱ្យក្រសួងពាណិជ្ជកម្ម និងឧស្សាហកម្មនៃប្រទេសទាំងពីរបន្តបង្កើតកិច្ចព្រមព្រៀងកម្រិតខ្ពស់; ជំរុញការតភ្ជាប់សេដ្ឋកិច្ចរវាងសេដ្ឋកិច្ចទាំងពីរ តភ្ជាប់ហេដ្ឋារចនាសម្ព័ន្ធ ពាណិជ្ជកម្ម និងវិនិយោគ។

ជាកិច្ចឆ្លើយតប រដ្ឋមន្ត្រីក្រសួងពាណិជ្ជកម្មកម្ពុជា លោកស្រី ចម និម្មល បានអះអាងថា ក្រសួងឧស្សាហកម្មនិងពាណិជ្ជកម្មវៀតណាម និងក្រសួងពាណិជ្ជកម្មកម្ពុជា នឹងខិតខំធ្វើឲ្យទំហំពាណិជ្ជកម្មទ្វេភាគីឡើងដល់ ២០ ពាន់លានដុល្លារអាមេរិក នាពេលឆាប់ៗនេះ រួមចំណែកដល់ការអភិវឌ្ឍពាណិជ្ជកម្មទ្វេភាគីក្នុងតំបន់អាស៊ាន និងពិភពលោក៕