ព័ត៌មាន
នាយឧត្តមសេនីយ៍ Phan Van Giang អំពាវនាវឲ្យមានការគោរពផលប្រយោជន៍ និងសន្តិសុខរបស់ប្រទេសនានាដើម្បីរួមគ្នាកសាងសន្តិភាពនិងអភិវឌ្ឍន៍
ទន្ទឹមជាមួយគ្នានោះ ផលប្រយោជន៍ និងសន្តិសុខរបស់ប្រទេសនានា មិនថាតូចឬធំអភិវឌ្ឍន៍ ឬកំពុងអភិវឌ្ឍន៍ គឺចាំបាច់ត្រូវយល់ ទទួលស្គាល់ និងគោរព ដើម្បីកសាងសន្តិភាព និងការអភិវឌ្ឍរួមគ្នា។ លោករដ្ឋមន្ត្រី Phan Van Giang បានអះអាងថា៖ វៀតណាមជានិច្ចកាលប្រកាន់ខ្ជាប់នូវគោលនយោបាយការពារជាតិសន្តិភាព និងស្វ័យការពារ; អនុវត្តគោលនយោបាយមិនចូលរួមក្នុងសម្ព័ន្ធភាពយោធា មិនតភ្ជាប់ជាមួយប្រទេសមួយដើម្បីប្រយុទ្ធជាមួយប្រទេសមួយផ្សេងទៀត មិនអនុញ្ញាតឱ្យបរទេសបង្កើតមូលដ្ឋានយោធា ឬប្រើប្រាស់ទឹកដីវៀតណាមដើម្បីប្រយុទ្ធជាមួយប្រទេសដទៃ មិនប្រើកម្លាំង ឬគំរាមកំហែងប្រើប្រាស់កម្លាំងក្នុងទំនាក់ទំនងអន្តរជាតិទៀតសោត។
លោកនាយឧត្តមសេនីយ៍ Phan Van Giang បានចាត់ទុកថា តាមរយៈវេទិកា Beijing Xiangshan និងវេទិកាពហុភាគីជាច្រើនទៀតស្តីពីយោធា ការពារជាតិ និងសន្តិសុខ ផ្សេងៗ ជាមួយនឹងការបញ្ជូនកងកម្លាំងទៅចូលរួមរក្សាសន្តិភាពអង្គការសហប្រជាជាតិ វៀតណាមបានអះអាងនូវតួនាទីសកម្ម និងការទទួលខុសត្រូវខ្ពស់ក្នុងបញ្ហាអន្តរជាតិ និងតំបន់។ វៀតណាមចង់ឲ្យប្រទេសទាំងអស់គោរពតាមច្បាប់អន្តរជាតិ គោរពឯករាជ្យ អធិបតេយ្យភាព បូរណភាពទឹកដី និងផលប្រយោជន៍ជាតិរបស់គ្នាទៅវិញទៅមក។ ប្រទេសនីមួយៗក៏ត្រូវអនុវត្តតាមការប្តេជ្ញាចិត្តដែលខ្លួនបានសន្យា ដោយប្រកាន់ខ្ជាប់នូវកាតព្វកិច្ច និងទំនួលខុសត្រូវរបស់ខ្លួនចំពោះសហគមន៍អន្តរជាតិ។
ក្នុងឱកាសនេះ លោករដ្ឋមន្ត្រី Phan Van Giang បានជួបពិភាក្សាការងារទ្វេភាគីជាមួយរដ្ឋមន្ត្រីក្រសួងការពារជាតិឡាវ លោក Chansamone Chanyalath រដ្ឋមន្ត្រីក្រសួងការពារជាតិកម្ពុជា លោក ទៀ សីហា និងអគ្គលេខាធិការសមាគមប្រជាជាតិអាស៊ីអាគ្នេយ៍ (អាស៊ាន) លោក កៅ គឹមហួន៕
